روايه قطار العمر

البارت التانى

يارب الروايه تنال اعجابكم

روايه ( قطار العمر ) البارت التانى

مريم طالع لاخته.

حليم لاء اخته ايه ده اخر العنقود سكر معقود.

سلمي كده يابابا يعني عمار هياخد مكاني عندك.

حليم لاء بس كل واحد فيكوا له غالوته وعمار الله اعلم هعيشله لامتي.

سلمي اضيقت في نفسها بس حاولت ماتبينش علشان خاطر مامتها ماتضيقش.

مريم لاءء انا عندي كلكم غلاوه واحده يا حبيبي.

سلمي ربنا يباركلنا فيكي يا ماما، انت كلتي ياماما هقوم اعملك اكل علشان تقفي علي رجلك لينا من تاني.

حليم لاء ياحلوه انا عملتلها احلي فرخه.

سلمي ايه ده كله يابابا انت عمرك ماوقفت في المطبخ خالص.

حليم طيب ادخلي دوقي وسخني لامك تاكل.

سلمي وانت يابابا فطرت ولا اعملك تفطر.

حليم لاء انا فطرت من بدري اسمحلك تعمليلي قهوه من ايدك الحلوه دي.

مريم اعملي القهوه وتعالي انا مش جعانه دلوقتي واما حليم اخوكي يصحي هاكل معاه علشان يفتح نفسه.

التليفون بيرن.....

حليم ردي ياسلمي علي التليفون.

سلمي حاضر يا بابا الو الو مين.

سليم ازيك يا حبيبي عامل ايه هتنزل امتي طمني عليك وودت التليفون لابوها.

حليم مين ياسلمي.

سلمي مفاجأة يابابا ده سليم ياماما.

مريم هاتيه ده وحشني اوي اوي ياحبيبي ازيك يا نور عيني.

سليم وحشاني اوي يا ماما عامله ايه يا حبيبتي وصحتك اخبارها ايه.

مريم في ضيف جه عندنا وبيسلم عليك.

سليم ضيف مين قصدك ياماما انك قومتي بالسلامة.

مريم هههههههه هههههههه ايوه اخوك شرف.

سليم ياحبيبتي يا ماما حمدلله على السلامه وسمتيه ايه.

مريم ايه رأيك في عمار.

سليم الله ياماما اسم حلو اوي.

حليم اديني ابني بقي، ازيك يا حبيبي طمني عليك هترجع امتي.

سليم حبيبي يابابا ان شاء الله اخر الشهر انت وحشني اوي والله يا بابا ماما صحتها عامله ايه.

حليم امك زي الفل واخوك حليم تعبنا في المذاكرة واخوك عمار نفسه يشوفك وينام في حضنك..

سليم ادعيلي يابابا اليومين دول يعدوا علي خير انا والله تعبت اوي يابابا.

حليم ربنا معاك يا حبيبي هانت كلها كام شهر ويعدوا علي خير.

سليم يارب يا بابا مع السلامة يا حبيبي.

سلمي اتفضل القهوه يابابا.

حليم الصغير صباح الخير يا بابا صباح الخير يا ماما.

سلمي صباح الفل ياقمري.

حليم الصغير سلمي ايه المفاجئه الحلوه دي.

سلمي روح قلبي انت.

حليم انت هتفضلي تدلعيه لامتي.

سلمي ده انا الي مربياه هفضل ادلع فيه طول عمري.

حليم بعصبيه ازاي بس ده راجل .

مريم في ايه يا حليم ماهي سلمي طول عمرها بتدلعه.

حليم الصغير حضن سلمي وهوخايف ومضايق من زعيق ابوه عليه.

حليم لاء ده بقي راجل وماحدش يدلعه قدامي تاني وخرج من الاوضة وسابهم.

سلمي لمامتها بصوت واطي هو في ايه يا ماما بابا ماله.

مريم انتوا عارفين ابوكي طيب بيتزربن بسرعه ويصفي بسرعه.

سلمي ماتزعلش ياحليم انا هفضل ادلع برده العمر كله.

حليم الصغير حضن اخته حبيبتي ياسلمي ربنا مايحرمني منك ابدا.

مريم حبايبي ربنا يخليكم لبعض.

شوفتوا عمار عيط اهه.

تعالي ياروحي تعالا.

حليم ياروحي صغنن.

مريم انا مش عوزاكم تقفوا لابوكوا علي الوحده انتوا عارفين انه اعصابه مشدوده وبيتعصب من اقلل حاجه ومش عاوزكم تزعلوا منه

المهم بقي عاوزين نعمل سبوع بس لما سليم يرجع بالسلامة.

سلمي انا هنزل انا ومحمد الجمعه نجيب السبوع كله.

حليم الصغير وانا هاجي معاكي.

سلمي تمام يانور عيني ووطت صوتها لبابا يسمعنا.

مريم هههههههه سلمي عرفي خلاتك لحسن يزعلوا.

سلمي والله يا ماما انا نسيت انت فجأتينا كلنا.

هجيبلك التليفون تكلميهم واروح اعمل الغدا علشان بابا.

مريم وجوزك الي هيجي من الشغل علي هنا مش هتاكليه.

سلمي ماانا كنت هروح اعمل غدا ونجيلك اخر النهار.

مريم ليه يابنتي الشحططه دي اعملي الاكل مره واحده انت هتبهدلي نفسك ليه هي لقمه واحده.

سلمي خلاص ياماما حاضر هعمل الغدا واحضرلك لقمه تاكليها اهوه حليم صحي وهياكل معاكي ماما مستنياك يااستاذ.

حليم الصغير حبيبتي يا ماما، موري نام اهه.

مريم ربنا يفرحني بيكم كلكم.

محمد اتصل بمريم.

محمد الو ازيك يا ماما حمد الله على سلامتك.

مريم الله يسلمك يا قلبي عقبال ماافرح بخلفتك انت وسلمي تجيبوا نونو علشان يلعب مع عمار.

محمد ايه ده انتوا سمتوه عمار..

مريم ايه رأيك في الاسم.

محمد جميل اوي مين الي سماه.

مريم عمك حليم انت عارفه ومابيخدش رأي حد.

محمد بس ده اسم جميل وجديد.

مريم عقبالك يا حبيبي ويسميلك ولادك كمان يارب.

محمد ان شاء الله ياماما انتوا هتعوزوا اجيبلكم اي حاجه وانا جاي.

مريم تيجي بالسلامه ان شاء الله.

قفلت مع محمد وكانت هتتكلم اخوتها حست ان دماغها لفت قالت لحليم الصغير روح شوف ابوك فين وانا هنام شويه لحسن دوخت من كتر الكلام وفرصه كده وعمار نايم وانت متضايقش سلمي انت فاهم.

حليم حاضر يا ماما نامي وماتقلقيش علي عمار كمان.

خرج بص علي ابوه لقاه نايم راح لسلمي المطبخ.

بتعملي ايه.

سلمي بعملك تفطر انت وماما وبجهز للغدا كمان وانا واقفه.

حليم محمد لسه مكلم ماما.

سلمي بجد ماتعرفش قالها هايجي علي هنا ولا هيروح.

حليم قالها عاوزه حاجه اجبهالك وانا جاي يبقي جاي علي هنا.

سلمي طيب كويس علشان مش عاوزه اسيب ماما وانزل.

حليم ماما نامت شويه وقالتلي ماتصحيهاش علشان دماغها لفت.

سلمي خلاص تعالا اقعد افطر هنا جنبي وابقي روح ذاكر لحسن حد جه يبارك لماما مش هتعرف تذاكر وهيطلع عينك.

حليم حاضر هفطر واروح اذاكر.

حليم خلص وراح ذاكر غايت معاد درسه.

حليم سلمي انا رايح الدرس هتعوزي حاجه.

سلمي حبيبي سلامتك.

دخلت تبص علي باباها لقته نايم قفلت عليه الباب بالراحه وراحت لمامتها صحتها.

سلمي ماما قومي يا حبيبتي علشان تاكلي وهي بتصحيها سمعت عمار بدأ يعيط.

مريم قامت انت صحيت ياحبيبي.

سلمي خدي كلي وانا هسكته تعالي ياروح اختك انت الصغنن الحلو بتاع العيله كلها ياخواتي علي الحلوه وخدته علي ص*رها وفضلت تهدهد فيه.

مريم انا فرحانه بيه اوي يا سلمي وشه برئ اوي.

سلمي جميل اوي يا ماما.

مريم مكلمتيش خالاتك.

سلمي لاء بصراحه نسيت هروح اكلمهم واعرفهم.

مريم التليفون جنبي تعالي نكلمهم وانت قاعده معايا.

مريم اتصلت علي اخوها احمد.

ازيك يا حبيبي انت فين يا احمد.

احمد والله يا مريم كنت هكلمك انهارده اطمن عليكي انت هتعمليها امتي.

مريم ماانا بكلمك علشان اقولك اني عملتها.

أحمد ايه بجد امتي مش تعرفيني.

مريم يا حبيبي انا لسه والده وقلت اطمنك انت اول واحد في اخواتك.

احمد حمد الله على السلامة يا حبيبتي انا جيلك انهارده هجيب حبيبه مراتي واجيلك ياحبيبت اخوكي.

مريم تنوروا ياحبيبي، كلمك اخواتك عرفهم.

احمد حاضر يا مريم مع السلامة.

احمد اتصل على حبيبه مراته نسيت اعرفكم على احمد اخو مريم الصغير ومتجوز من خمس سنين ولسه مارزقش بأولاد وزوجته حبيبه بنت طيبه اوي وبتحبه وبتسمع كلامه فأي حاجه.

الو ازيك يا بيبو.

حبيبه ايه سبب الدلع الحلو ده. احمد عندي خبر حلو اوي ليكي.

حبيبه قول نفسي اسمع خبر حلو وافرح.

احمد مريم قامت بالسلامة.

حبيبه بجد الف مبروووك عقبالي يارب.

احمد ان شاء الله ياحبيبتي كل شيء بأوانه.

حبيبه ونعم بالله ياحبيبي انت فين.

احمد اجهزي هطلع نتغدا وننزل نروح لمريم انا وانت.

حبيبه الاكل جاهز وانا هجهز لغايت ماتيجي.

احمد جايلك خلاص في السكه.

حبيبه كلمت اخواتك ولا اكلمهم.

احمد يوه والله نسيت اكلمهم كلميهم لغايت مااجيلك.

حبيبه حاضر يا حبيبي.

اتصلت على وفاء اخت مريم واحمد.

ازيك يا ا**ه وفاء عندي ليك خبر ياجنن.

وفاء اوعي تقوليلي انك حامل.

نسيت اعرفكم وفاء اخت مريم الوسطانيه علي طول مدب ومابترعيش شعور الي قدمها.

حبيبه لاء ياا**ه وفاء ادعيلي بس.

وفاء يارب يا حبيبتي امال خبر ايه ماتقولي يابت.

حبيبه ا**ه مريم ولدت.

وفاء ايه بجد وازاي مريم متعرفنيش يعني تعرفك واختها لاء.

حبيبه والله يا ا**ه وفاء هي كلمت أحمد مكلمتنيش انا.

وفاء ماشي ماهي مالهاش غير احمد ربنا يخليهم لبعض.

حبيبه ربنا يخليكم كلكم لبعض هتكلمي ا**ه ولاء ولا اكلمها انا.

وفاء لاء كلميها انت وانا هكلم حسن اخويا.

حبيبه حاضر يا ا**ه وقفلت معاها انا غلطانه اصلا اني كلمتك.

هكلم ولاء وربنا يستر هي كمان بس وماتدنيش هي كمان كلمتين في جنابي وانا ماليش ذنب في حاجه كلهم بيحطوا عليا.

اتصلت بولاء.

ولاء الو ازيك يا قمر عيلتنا.

حبيبه ا**ه ولاء حبيبتي هقولك خبر حلو بس ماتزعليش مني.

ولاء انت يابت هبله خبر حلو ازاي وازعل منك ليه.

حبيبه اصل ا**ه وفاء زعلت مني.

ولاء ليه بس في ايه.

حبيبه ا**ه مريم قامت بالسلامة.

ولاء ماشاء الله ألف مب**ك يا قلبي عقبالك.

حبيبه يارب ياا**ه انا خفت لتزعلي ان عرفت قبلك زي ا**ه وفاء.

ولاء اهم حاجه انها قامت بالسلامة مش مهم مين عرف الاول.

ولاء هتروحوا امتي.

حبيبه هنروح انهارده احمد جاي في السكه وهيتغدا ونروح علي هناك علي طول

ولاء وانا هطلع من الشغل علي هناك علشان اطمن عليها واشوفكم هناك.

نسيت اعرفكم ولاء الاخت الصغيره في البنات لمريم وهي بتشتغل مدرسه وعقله لابعد درجه ودماغها كبيره ومدلعه نفسها ومكبره دماغها ومابتحبش النكد والمشاكل.

ولاء خرجت من الشغل علي اختها مريم.

الجرس بيض*ب سلمي حاضر جايه اهه.

الله يكون في عونك ياماما كنت بتعملي كل ده من غير تعب ولا بتشتكي.

فتحت الباب خالتو ولاء...

ولاء لولو يابت وماتقوليش خالتو دي تاني تعالي في حضن لولو.

سلمي لولو حبيبتي وحشاني مين الي قالك.

ولاء حبيبه عقبالها يارب هي كمان.

سلمي يارب يا خالتو دي بقي هتبقي الفرحه الكبيره.،

تعالي ياخالتو اتفضلي .

مريم لولو حبيبتي تعالي شوفي جبتلك بقيت العصابه

ولاء روح قلب خالتو الصغنن ايه الحلويات دي.

سلمي اشمعنا هو روح قلب خالتو.

ولاء يابنتي انت شحطه يابنتي انت اكبر مني الصغنن ده هو الي يقولي ياخالتو بس.

سلمي يادي النيله الواد عمار ده هيعمل تفرقه في العيله يعني هو ابن البطه البيضه وانا واخواتي ولاد البطه السودا

ولاء لاء ياختي انتوا كلكوا ولا البطه البيضه هو في حد في حلاوه امكوا.

...... استووووووووب

‏ ‏كفايه عاليكم كده عايزه تعليقات كتير بليييز

‏ ‏ ‏ ‏ ‏ ‏ ‏وشكرا لكل واحد بيشجعنى بحبكم كتر وبتمنى يكون البارت التانى عجبكو

‏ ‏ ‏ ‏ ‏ ‏ ‏اتمنى تكون البارت يكون عجبكم وعايزه تعليقات وتفاعل واهم حاجه رايكم علشان انزل البارت الثالث بحبكم كتير❤️❤️??اتمنالكم السعاده والتوفيق

‏ ‏ ‏ ‏يتبع بقلم ✍️ملك فريد لطفى .