روايه قطار العمر

البارت الثالث

يارب الروايه تنال اعجابكم

روايه ( قطار العمر ) البارت الثالث

بقلم ✍️ملك فريد لطفى

سلمي اشمعنا هو روح قلب خالتو.

ولاء يا بنتي انت شحطه انت اكبر مني الصغنن ده هو الي يقولي ياخالتووبس.

سلمي يادي النيلة الواد عمار ده هيعمل تفرقه في العيله يعني هو ابن البطه البيضه وانا واخواتي ولاد البطه السودا.

ولاء يا ختي انتوا كلكوا ولاد البطه البيضه وهو في واحده في مصر كلها في حلاوه امكوا.

مريم ربنا يخليكي ليا يا لولو ياقمر وهو في احلا منك،امال اختك وفاء فين هي حبيبه عرفتها .

ولاء فوفا زمانها جايه هتغدي سبع البرمبه وهتيجي علي هنا امال حليم فين.

سلمي حليم في الدرس.

ولاء لا هههههههه حليم الكبير.

مريم مانمش طول الليل ودخل نام من بدري بس شادد.

سلمي امال احنا قاعدين ملتزمين ال**ت والهدوء ده ليه.

ولاء ليه هو مطلع زعبيبه.

سلمي اه طبعا ده العادي ياخالتو قصدي يالولو.

ولاء اكيد انتوا الي ضيقتوه زي مضيقتيني دلوقت

مريم دول مابيكبروش دماغهم هما عارفين ابوهم بيتعصب وقتي وبيهدا علي طول.

الباب بيخبط روحي افتحي ياسلمي لحسن ابوكي يصحي

سلمي يارب يكون حليم لحسن انا تعبت انا مش واخده علي البهدله دي.

فتحت الباب خالو حبيبي ازيك ياحبيبه عامله وحشاني.

احمد روح قلب خالوا عروستنا القمرايه عامله ايه يالولتي ومحمد جوزك اخباره ايه يعني يابت متجبهوش مره وتيجي تزوري خالو.

سلمي حبيبي ياخالو والله محمد مطحون في الشغل وبيرجع متأخر اوي ومابياخدش غير الجمعه بس اجازه وبيعسكر في البيت مابيرضاش يخرج.

حبيبه طيب انت تعالي هاتي اخواتك وتعالي اامال ماما فين.

سلمي احنا واقفين ده كله بنتكلم اتفضلي يا بيبو اتفضل يا خالو

احمد اخواتي حبيبي وحشتوني دخل باس مريم وحضنها حمدلله على السلامه يا قلب اخوكي.

حبيبه ازيك يا ا**ه مريم حمد الله على السلامة.

ازيك يا ا**ه ولاء.

ولاء ازيك يابيبو وبعدين اسمي لولو.

احمد انت عارفه انها بتت**ف تقولك يالولو انا هقولك يالولو.

ولاء انت حبيب اختك.

حليم اهلا وسهلا عاملين ايه ازيك يا احمد ازيك ياولاء ازيك يا حبيبه نورتونا والله.

احمد قام سلم على حليم وحضنه الف مب**ك ربنا يباركلك فيهم.

حليم عقبالك يا حبيبي شوفت الصغنن..

احمد لسه والله شكله نايم.

حبيبه اديهولي ياا**ه نفسي اشيله.

مريم مدي ايدك يا حبيبتي..

حبيبه ماشاء الله شكلك خالص يا**ه مريم وصغنن وجميل ونقطته بفلوس.

مريم هو احنا مابينا كده ياحبيبه.

حبيبه. ده من بعد خيرك يا ا**ه مريم انت وعمي حليم.

حليم انتوا اخواتنا الصغيرين.

احمد والله يا حليم انت فعلا اخونا الكبير ربنا يخليك لينا.

حليم

سلمي خلصتي الغدا.

سلمي اه يا بابا كله حاهز احضر الغدا.

حليم اه يلا علشان خالتك وخالك يتغدوا معانا.

احمد والله احنا متغدين قبل مانيجي.

حليم هزعل والله يا لا ياسلمي قومي جهزي الغدا.

مريم قومي يا حبيبه مع سلمي جهزي الغدا علشان عمك مايزعلش.

حبيبه حاضر يا ا**ه مريم.

ولاء وانا كمان هقوم معاكم استنوا خدوني معاكم.

حليم

وانت يااحمد عامل ايه مع الشغل ياحبيبي.

احمد والله الشغل علي قده بس اهه ماشيه.

مريم ربنا يوسع رزقك ياحبيبي.

احمد اللهم امين يارب.

مريم مافيش اخبار ياحبيبي عن حبيبه مع الدكاتره.

أحمد والله ادعيلنا هنعمل محاوله مع الدكاتره ويارب وش عمار يبقي حلو علينا ونجيبله عروسه حلوه زيه كده.

حليم ان شاء الله ياحبيبي وكل شئ بأذن الله وماتستجلش كل شء بأوانه.

احمد ونعم بالله.

مريم اهم حاجه متحسسهاش انك مضايق ولا في حاجه علشان اهم حاجه النفسيه في الموضوع ده.

احمد لاء والله انت عرفاني مروق عليها علي الاخر لان الدكتور قايلي علي موضوع نفسيتها ده.

حليم حبيبه محترمه وهاديه وبنت ناس دي تتشال علي الراس وبعدين ماانت عارف لاانت ليك ذنب ولا هي دي يابني ارزاق.

احمد ونعم بالله.

حليم الصغير دخل خالو حبيبي وحشتني اوي.

احمد حبيب قلب خالك وحشني عامل ايه يا واد في المذاكره.

حليم الصغير الحمد لله ياخالو كله تمام متقلقش عليا.

مريم ربنا معاك يا حبيبي ويباركلي فيكوا وسليم اخوك يرجع بالسلامة.

احمد قوليلي صح سليم عامل ايه في الجيش في اخبار عنه.

حليم الحمد لله ممكن ينزل في خلال الأسبوعين الجايين.

احمد يرجع بالسلامة ان شاء الله.

سلمي يلا اتفضل ياخالو اتفضل يا بابا الغدا جاهز.

حليم وامك حضرتلها غداها.

سلمي اه يا بابا خالتو جيباه اهه.

حليم يلا يااحمد يلا ياسلمي هاتي حبيبه وتعالي يالا يا ولاء.

ولاء هأكل مريم واجيلكوا.

مريم انا بعرف اكل روحي أتغدى انتي جايه من الشغل زمانك وقعه من الجوع وعلشان حبيبه ماتت**فش.

ولاء حاضر اعمل ايه بس معاكوا.

ولسه بيقعدوا علي السفره الباب بيخبط

حليم الصغير خالتو وفاء جت خالو حبيبي.

حسن حبيب خالو ازيك يا حليم امك كبرتك وجابت اخر العنقود.

حسن ووفاء السلام عليكم.

ماحدش يقوم هنسلم بعد الأكل.

حليم تعالي ياحسن اقعد كل ياحبيبي.

حسن بالهنا والشفا انا سبقتكم.

احمد تعالي ياحسن هتلاقيك جاي من الشغل علي هنا.

حسن طيب هسلم علي مريم وهاجي الحقكم.

ولاء تعالي ياحبيبي اختك بتتغدا تعالا كل وبعدين ادخل سلم عليها تعالي ياوفاء وانا هجيبلكم طباق.

حليم بص لسلمي علشان تقوم بدل خالتها.

سلمي خاليكي يالولو وانا هجيب اطباق.

ولاء خاليكي انا قمت خلاص ماانت وافقه علي رجلك من الصبح.

واتغدوا كلهم ودخلوا لمريم وقعدوا حواليها وكانت فرحانه بأخواتها.

حليم احنا هنعمل السبوع الاسبوع الجاي وعاوزين نعمل سبوع حلو كده علشان نفرح مريم بعمار.

حسن طبعا ياكبير كلنا معاك وهو احنا عندنا اغلي منكم طبعا جايين.

محمد جوز مريم وصل البيت ودخل لمريم.

محمد حمد الله على السلامة يا ماما.

مريم حبيبي عقبالك انت وسلمي.

محمد يارب يا ماما ادعيلنا بس هنجيب قمر زي القمر ده.

مريم أكيد طبعا هيطلع لامه.

محمد ان شاء الله ياماما

انت هديتك عندي ياعمار السبوع كله عليا

مريم كتير اوي كده يا حبيبي انتوا لسه بتشقوا طريقكوا متضغطش علي نفسك.

محمد لا والله يا ماما مستوره الحمد لله وبعدين مت**فنيش دي هديه عمار.

حليم ازيك يا محمد يا حبيبي عامل ايه.

محمد الحمد لله ياعمي الف مبروووك.

حليم الله يبارك فيك يا حبييي عقبالك انت وسلمي.

محمد يارب يا عمي ادعيلنا.

مريم شوفت ياحليم محمد عاوز يحيب لعمار السبوع كله.

حليم ليه يا بني كده.

محمد ياعمي والله دي حاجه بسيطه اوي.

حليم خلاص يامريم هديه مقبوله عقبال ماتعمليله ان شاء الله.

كده بقي ايه رأيكم ندبح ونعمل ال*قيقه لعمار بالمره الخميس وكل الي نعزمه علي السبوع يتغدا وبكده نكون عملنا ال*قيقه والسبوع بالمره.

ولاء دخلت والله فكره جميله الله ينور عليكي يا حليم.

ويارب دايما متجمعين عندك علي الخير، ازيك يا محمد يا حبيبي.

محمد ازيك حضرتك ياطنط ولاء.

ولاء ليه بس هتزعلني منك انا اسمي لولو.

محمد بصلها ب**وف مش هعرف اقولك يالولو هههههههه.

حليم انت غريبه والله يا ولاء ازاي يعني يقولك يالولو.

ولاء انا بحب حبايبي يدلعوني انتوا غيرانين مني ليه بس.

مريم حبيبتي يا لولو طول عمرك دلوعه وفرفوشه انت مش هتروحي يابنتي ولا ايه علشان متتأخريش.

ولاء لا ياحبيبتي انا قعده معاكي ليوم السبوع كفايه علي عروستي الحلوه كده انهارده وتقوم تروح مع جوزها.

سلمي حبيبتي يا خالتو خلاص نقعد مع بعض.

محمد تمام انا اصلا بروح متأخر وبنزل الصبح بدري وبعدين احنا في شتا علشان سلمي ماتخدش برد.

ولاء لمريم ياسلام علي الحب يامريومه فكرني بالمرحوم زمان.

مريم هههههههه انت كل حاجه بتاخد يها كده بهزار ولا ايه.

محمد انت كده لازم يالولو تمسكي عليا كل كلمه.

ولاء لولو طالعه من بوقك زي العسل.

حليم انا هدخل اصلي الوتر واقرأ قرأن وانام يامريم.

مريم وانت من اهل الخير يا.

حبيبي

محمد وانا كمان أستأذن يادوبك الحق انام شويه عاوزه حاجه ياماما.

مريم سلامتك يا حبيبي وصلي جوزك يامريم.

ولاء ياسلام عليكي ماتسيبي البت بحريتها انت عوزاها تبقي نسخه تبق الاصل منك مع حليم.

مريم وانا مالي يعني انا معرفتش الحب ولا الحنيه الي علي ايد حليم وبعدين بيحبني ويحترمني وبيخاف عليا زي عينه هاعوز ايه تاني وايه الي نقصني بس يارب محمد يبقي بيخاف علي سلمي زي حليم مابيخاف عليا ده حليم ده حب حياتي.

ولاء طب بس بس لحسن احسدكوا مااناعارفه كل ده بس حليم د*كتاتوري كله حاجه برأيه ومابياخدش رايك في حاجه.

مريم بصي يا ولاء مافيش انسان كامل احنا كلنا عيوب ولازم احبه بعيوبه قبل مميزاته

وانت عارفه ان حليم ده نور عيني وحياتي كلها مقدرش ازعله والراجل عمره مزعلني

ولاء انا عارفه ياحبيبتي بس برده زمنك غير زمن بنتك لازم يبقى ليها رأي متبقاش زي خيال المأته كده.

مريم ياحبيبتي انا عارفه طبعا بس انا مش بحب اوجهها تعمل ايه وماتعملش ايه انا عارفه ان سلمي عاقله وهما الاتنين متفاهمين دايما مع بعض، ومحمد هادي ومتفاهم كمان اكتر من حليم فاليه ازعلهم من بعض.

ولاء ياحبيبتي انا كان قصدي توعيها علشان ماتبقاش هبله زينا ويتاكل حقها.

مريم ماانت جوزك الله يرحمه كان طيب وعمره مازعلك.

ولاء بس كان متاكل حقه من اخواته وكان ضعيف الشخصية قدمهم وهو الي خلاهم ياكلوا حقي بعد موته.

مريم برده ده مش عيب فيه اخواته الي وحشين وطماعين وانت دلوقتي وقفتي علي رجلك والمحنه دي علمتك كتير.

ولاء صح عندك حق مكنتش فكراهم كلاب كده وهياكلوا حقي ويقبلوا ياخدوا عرق اخوهم ده انا مالحقتش افرح بيه ولا اجيب حتت عيل.

مريم انت هتقلبي المواجع بس ليه ماانت كنت فرفوشه من شويه وعماله تهزري.

ولاء انا هقوم اشوف الواد حليم اختفي كده مش باينله حس من بدري.

سلمي دخلت راحه فين يا لولو.

ولاء بشوف اخوكي راح فين.

سلمي ده دخل نام اليوم انهارده كان طويل اوي علينا كلنا.بااااااااااااااااااااااس

‏ ‏عايزه تعليقات كتير وتفاعل علشان انزلكم البارت الرابع وشكرا بجد على دعمكم ليا بحبكم كتير متنسوش تقولو توقعاتكم ورأيكم الان رايكم يهمنى

‏ ‏ ‏ ‏يتبع بقلم✍️ملك فريد لطفى.