روايه قطار العمر

البارت الرابع عشر

البارت الرابع عشر.

احمد خلاص ياحبيبي انا جيلك بكره انا وحبيبه وهنتغدا معاكوا.

حليم في انتظاركم بس متتأخروش عاوزكم تغيروا مود مريم.

احمد يعني مش عاوز تعرفني في ايه.

حليم والله يا احمد الواد سليم منعرفش عنه اي حاجه وفي اخبار مش كويسه عنه ربنا يستر يااحمد انا خايف اوي ومريم اختك هتتجنن ولسه جايبها من المستشفى كانت فاقده الوعي ولسه راجعين من المستشفى حالا.

احمد ده كله ياحليم ومتقوليش وكمان بتفكر فيا انا وحبيبه.

حليم انت عارف اني بعتبرك انت وحبيبه زي اخواتي الصغيرين وبعدين ماانا بحكيلك اهه.

احمد علي الاقل كانت حبيبه جت قعدت بعمار وحليم انا هجبهلكم بكره.

حليم ان شاء الله ياحبيبي مع السلامة.

حليم انا هقوم اخد شاور واغير هدومي وانام ياعالم بكره في ايه.

ودخل حليم ينام لقي مريم نايمه وواخده عمار علي بطنها وعمار نايم وغرقان في النوم

نام حليم علي امل يكون في خبر جديد عن سليم ابنه ونام وهو بيفكر في سليم.

وقام علي تليفون بيرن قام مخضوض وخد التليفون وخرج من الاوضة.

حليم الو ايوه مين.

انا خالد ايه ياحليم في ايه عندكم طمني عليكم انتوا فيكوا اايه.

حليم قعد ياخد نفسه من الخضه كان فاكر ان التليفون من حسين وفيه اخبار عن سليم.

خالد الو الو ياحليم انت روحت فين

حليم فاق للحظه كده ايوه يا حبيبي انا معاك معلش اصلي لسه صاحي.

خالد انت مالك يا حليم في حاجه حصلت لام سليم انا سمعت من الولاد الي شغالين معاك في الورشة.

حليم والله يا خالد مافيش دي تعبت شويه ودخلت المستشفى وخرجت في نفس اليوم الحمد لله.

خالد الف سلامه عليها انا هخلي ا****عه يجوا يزروها انهارده.

حليم والله تنوروا وتشرفوا .

خالد قولي ايه اخبار سليم بقاله كام يوم مش بيكلم حنين هو عامل ايه.

حليم بص بصراحه انا مش عارف اقولك ايه.

خالد قول في ايه قلقتني.

حليم سليم الوحده بتاعته انض*بت إمبارح من الجمعات المسلحه ومحدش يعرف عنه اي اخبار وده سبب كل الي احنا فيه تعب مريم وتوهاني.

خالد ازاي ياحليم ماتقوليش احنا مش بقينا اهل ولا ايه.

حليم طيب علشان خاطري متجبش خبر لاي مخلوق حتي حنين نفسها لما نشوف في ايه.

خالد حاضر يا حبيبي ربنا يطمنا عليه يارب.

حليم يارب يا حبيبي مع السلامه.

مريم انت بتكلم مين ياحليم في اخبار جديده.

حليم لاء ياحبيبتي ده خالد عرف انك كنتي في المستشفى فبيطمن عليكي.

مريم وعرف منين.

حليم من الورشه أكيد

مريم ربنا يستر ومحدش يجيب سيرت سليم.

حليم وهما هيعرفوا منين موضوع سليم الكل عارف انك تعبتي وانا جيت من الورشه علشان انتي الي تعبانه.

مريم بتوتر ماشي انا هعملك تفطر.

حليم لاء تعالي اقعدي انا هعمل لقمه اكلها انا وانت علشان اشرب القهوه وانزل.

سلمي خاليك يابابا انا هعملك الفطار صباح الخير يا بابا الاول صباح الخير يا ماما.

حليم يابنتي انت مش هتروحي لجوزك.

سلمي لاء انا اقنعته هو يجي يقعد معانا اليومين دول علشان ماسيبش ماما وهو وافق.

حليم ايه ده ربنا يهديه.

سلمي كل ده علشان خاطر ماما.

حليم شوفتي ياستي اتحايلت عليه ميت مره ويجي يوافق علشان خاطرك كده بكل سهوله.

مريم ربنا يخليهم ليا.

حليم علي فكره ياسلمي خالك احمد جاي هو وحبيبه وهيتغدوا معانا بس متعمليش حاجه علي الغدا انا هجيب اكل جاهز.

مريم ليه كده بس ماالخير هنا كتير اهه.

حليم عاوزين نغير شويه وهما بيتكلموا تليفون حليم رن.

حليم اخد التليفون و بعد.....

الو ايوه يا حسين ايه الاخبار.

حسين اخبار حلوه ان شاء الله بس ليه الحلاوه.

بص يا حبيبي ابنك زي الفل صحيح فعلا في ناس من زمايله استشهدوا بس سليم ربنا نجاه ومافيهوش خدش ربنا كتبله عمر جديد.

حليم بصوت عالي وعياط اللهم لك الحمد والشكر اللهم لك الحمد والشكر وركع سجد علي الارض.

حسين الو انت رحت فين.

حليم معاك ياوش السعد الكلام ده أكيد.

حسين اكيد والله ابنك كان في مأمورية خارج الكتيبه واتأخر بسبب المواصلات وكان ده سبب نجاته دي كانت مجزره.

مريم في ايه يا حليم.

حليم بيشاور لها اصبري ثانيه واحده.

حسين روح طمن اهل بيتك وهكلمك اقولك هينزلوه امتي ويمكن مايكملش الشهر الي فاضله.

حليم يارب ياحسين طمني ارجوك عرفني كل جديد.

حسين والله متقلقش هقولك الأخبار اول بأول.

حليم شكرا يا حبيبي مع السلامه.

حليم ساب التليفون وقعد اللهم لك الحمد والشكر على نعمك يارب التي لا تحصى ولاتعد.

مريم في ايت يا حليم رد عليا طمني.

حليم ابنك بخير وحسين طمني عليه.

مريم امال ايه موضوع ض*ب النار ده.

حليم فعلا حصل واغلبيه زمايله استشهدوا بس ابنك كان في مأمورية برا الكتيبه علشان كده ربنا كتبله عمر جديد احمدي ربك علي نعمه علينا.

مريم كانت واقفه قعدت من صدمتها ومبقتش عارفه تتكلم غير انها بتعيط وبس

سلمي خلاص ياماما الحمد لله احنا كنا هنموت علي خبر واحد الحمد اطمنا عليه اهه قومي اتوضي وصلي ركعتين شكر لله وان شاء الله يرجع بألف سلامة.

مريم طيب هيرجع امتي.

حليم بيقولي بيأمنه علشان ينزل مايبقاش فيه خوف عليه.

مريم هو لسه في خطر عليه.

حليم اهم حاجه دلوقتي انه بخير وهينزلك بالسلامه وفي خبر احلا كمان.

مريم قول انت ساكت ليه بس.

حليم ممكن سليم ينزل اجازه وميطلعش تاني شوفتي بقي ربنا معانا ازاي.

مريم الحمد لله الحمد لله ربنا عالم بيا.

حليم لايكلف الله نفسا إلا وسعها.

مريم ونعم بالله ياحبيبي.

قومي بقي خدي شاور وغيري علشان اخوكي جاي ومراته.

مريم حاضر هقوم اهه.

حليم اهه عمار بينادي عليكي اهه.

مريم انا داخلله وهغير واجي.

سلمي طيب يلا يابابا اقعد افطر وانا هصحي حليم يفطر معاك.

حليم اتصدقي انا جعان اوي يلا صحي اخوكي بسرعه.

سلمي دخلت تصحى حليم قوم ياحبيبي قوم في اخبار حلوه عن سليم.

حليم بجد في ايه اطمنتوا عليه.

سلمي اول مره تقوم بسرعه كده.

حليم انا كنت زعلان اوي علشان سليم اخويا بس قوليلي ايه الأخبار.

سلمي هو بخير الحمد لله وهينزل قريب ومش هيسافر تاني خلاص.

حليم الحمد لله كفايه الي حصل لماما بسبب الجيش ده.

سلمي طيب قوم افطر مع بابا علشان مايفطرش لوحده.

حليم حاضر ده انا جعان اوي.

سلمي ربنا يطمنا برجوع سليم في البيت وسطينا.

حليم يارب

فطر حليم الاب والابن مع بعض وسلمي دخلت لمامتها علشان تغير لعمار علي ما مامتها تغير علشان احمدوحبيبه الي جايين يشوفوها.

وعملتلها فطار وفطروا مع بعض ولقوا باب البيت بيخبط حبيبه علي الباب.

سلمي اهلا ياحبيبه وحشتيني اوي.

حبيبه كده يا سلمي انا زعلانه منك اوي مش تعرفيني ان ماما تعبانه اجي اقف معاكي

سلمي والله الواحد مخه وقف معرفتش افكر يارتني شغلت مخي ده كنت علي الاقل سيبتلك عمار ده انا سبتة عند جارتنا طنط سهير ومرات ابنها رضعته وقعد معاها اليوم كله.

حبيبه ياريتك كلمتيني ده انا نفسي ارد لامك ايه جميله من جميلها عليا ده ياما وقفت معايا.

سلمي انت عارفة ماما بتعتبرك بنتها عمرها معملتك علي انك مرات اخوها.

حبيبه امال فين ا**ه مريم هي نايمه.

سلمي لاء ماتت بترضع الاستاذ عمار الندل.

حبيبه يعني هو فاهم حاجة.

سلمي كنت فكراه هيمرمط الست ده رضع وكان نايم عندهم ولا سلطان زمانه.

حبيبه بطلي نفسنه ياسلمي علي الولد.

سلمي هههههههه ده والله انا كنت قلقانه وخايفة عليه ومش عاوزه اخده المستشفى.

حبيبه الحمد لله كله خير هي فين امك يابنتي.

سلمي تعالي ندخل نشوف ماما.

خبطوا علي مريم ودخلوا لقوها نايمه.

حبيبه بصوت واطي خلاص ياسلمي تعالي نقعد بره سيبيها تنام وقفلوا الباب وخرجوا.

حبيبه قوليلي بقي ايه الي حصل.

سلمي طيب تعالي نحضر للغدا وانا بحكيلك.

حبيبه ايه ده كله حصل لسليم ومتعرفوناش الله يكون في عونك ياا**ه مريم الحمد لله انها قامت منها سليمه.

سلمي بقولك كل حاجه حصلت بسرعه ومحدش فينا كان عارف يفكر ده اصلا محمد جوزي عرف من طنط سهير شوفتي بقي.

حبيبه ربنا يرجعه لها بالسلامه وتقر عينها بيه يارب الضنا غالي ياسلمي.

سلمي انا عرفه ماما اتقهرت اوي قوليلي انت معادك امتي عند الدكتور.

حبيبه ادعيلي يا سلمى انهارده ان شاء الله نفسي ربنا يراضيني.

سلمي ان شاء الله بابا بيشكر في الدكتور ده اوي هي ان شاء الله مسألت وقت بس ربنا يجعل ايد الدكتور ده فيه الشفا.

حبييه عارفه والله لا هجبلك هديه جميله لمولودك هجيبله سرير.

سلمي ان شاء الله تجيبي سرير ليه وسرير ليكي.

وهما بيتكلموا لقوا الباب بيخبط سلمي هروح اشوف مين.

سلمي فتحت حنين انت بتعيطي ليه.

حنين كده يا سلمي مش تعرفيني ياسلمي.

سلمي انت يافقريه بتعيطي ليه بالظبط.

حنين اولا ازاي متعرفنيش ان سليم جراله ده كله ثانيا مش تعرفيني ايه الي حصل لطنط هو انا مش اهمكم وتبعكم دلوقتي.

سلمي طيب خشي وانا هحكيلك عن اولا وثانيا بطلي عياط وادخلي عندي طبيخ وحبيبه جوه مرات خالي لوحدها.

وعلي فكره انا خلاتي ميعرفوش حاجه يعني مش مقصوده اني اخبي عليكي اي حاجه فهمتي

حبيبه اهلا ياعروسه بتعيطي ليه احمدي ربنا ان ربنا نجاه مش تعيطي.

حنين الحمد لله على كل شيء بس كنت نفسي اقف معاهم.

حبيبه معلش ان شاء الله تقفي معاهم في الفرح ياحبيبتي معلش الجيات كتير ان شاء الله

حنين طيب طمنيني علي سليم كلمكم او عرفتوا عنه اي حاجه.

سلمي طيب بطلي عياط وانا اقولك ايه الي حصل بالتفاصيل.

حنين مسحت دموعها بس لسه بتعيط طيب قولي.

سلمي طيب تعالي اغسلي وشك وانا هحكيلك متعيطيش.

حبيبه ياسلام علي الحب بتاع قبل الجواز.

سلمي وبعد الجواز يابيبو الحب بيتغير.

حبيبه علي حسب ضغوط الحياه.

سلمي وانت حبك لخالو اتغير بعد الجواز.

حبيبه بالع** ده زاد الحب بعد الجواز والعشره انا بحس ان احمد ده مش حبيبي بس ده ابويا واخويا والي ليه في الدنيا دي.

حنين ياسلام ياا**ه قشعرتيلي جسمي من كلامك.

حبيبه انتوا بت**فوني كده.

سلمي يابيبو انتي ياجامده.

مريم اهلا ازيك يا حبيبه ازيك يا حنين.

حبيبه ازيك يا ا**ه مريم عامله ايه وحشاني الف سلامه عليكي وعلي سليم ربنا يرجعهولك بالسلامة.

مريم يارب ياحبيبه يسمع من بوقك ربنا.

حنين ازيك يا ماما الف سلامه وحضنتها وعيطت.

مريم بتعيطي ليه بس هتخليني اعيط انا كمان وانا شبعت عياط

سلمي لاء انتوا الاتنين هتفتحوا في العياط وانا ست حامل جديد ومش عاوزه ابني يطلع نكدي.

حبيبه قصدك مرهف الاحساس.

مريم ماشي يا جزمه انت بتتريقي عليه.

حبيبه ينهار اسود انا نسيت الاكل علي النار

وكلهم ضحكوا علي منظر حبيبه وهي بتجري علي الاكل.