روايه قطار العمر

البارت السادس

اتمنى الروايه تنال اعجابكم

روايه ( قطار العمر ) البارت السادس

بقلم ✍️ملك فريد لطفى

امال انا والله معنديش مشكله بس عمك هو الي مقفل صعيدي بقي معندوش هزار كله جد في جد.

سلمي خلاص ياطنط سيبيها شويه واحنا هنوصلها لغايت البيت ماهو عمو عنده حق برده.

امال خلاص بس متتأخروش عليا.

حنين حاضر يا ماما متقلقيش.

مريم قوليلي يالولو ايه رأيك وشورت لها علي حنين.

ولاء بس الله ماشاء الله قمر وشكلها هديه ورقيقه اوي ومتدينه شكلها ملتزمه.

مريم طيب اغمزي لوفاء قوليلها مريم بتقولك ايه رأيك.

ولاء غمزت لوفاء.

وفاء هي دي ده انا كنت لسه هقولك انتي سايبه الحلويات دي راحه تبصي لبرا.

مريم لاء ماهي الحلوه دي يعني سليم زوقه حلو.

وفاء هههههههه لاء زوقه حلو زي أبوه.

مريم كده طمنتوني طيب خدتوا بالكوا من مامتها.

وفاء شكلهم ناس محترمين.

ولاء بصي الخطوبه معموله علشان يعرفوا بعض والعيلتين يتعرفوا علي بعض.

مريم ان شاء الله سليم يخلص جيشه وانا هخطبهاله علي طول انتوا عارفين انه بيشتغل مع ابوه في الورشه وكان بيديني فلوسه وانا محوشهاله علشان اجيبله شبكته وافرح بيه نفس اشوف ولاده هو ومريم.

ولاء ربنا يباركلك فيهم وتفرحي بيهم وبولاد هم وولاد عمار كمان.

مريم يارب يا حبيبتي ربنا يخليكم ليا وميحرمنيش منكم ولا من لمتكم حواليا ابدا.

سليم اخد حنين ودخلوا قعدوا في البلكونه.

سليم وحشتيني اوي يا حنين.

حنين وانت كمان انا مش مصدقه نفسي انك خلاص فضلك كام شهر ونخلص من كابوس الجيش ده.

سليم اه خلاص انا والله الي مش مصدق انت عارفه احنا بنام كل يوم واحنا حطين ايدينا علي قلبنا.

حنين ليه بس ياسليم.

سليم انت عارفه القلق اليومين دول وا****عات المتطرفه بتستهدف وحدات الجيش ونسمع والله ض*ب النار حوالينا في الوحدات التانيه والواحد مش عارف هيجي عليه الدور..

حنين بعد الشر عنك حبيبي ماتقولش كده.

سليم احلا حاجهزحصلتلي اني سمعت كلمه حبيبي منك دلوقت انا مستعد اموت بعد كده مايهمنيش اي حاجه تاني.

حنين قامت وقفت م**وفه انا لازم اروح قبل مابابا يجي.

سليم طيب استني هوصلك.

حنين لاء مش هينفع انا هنزل لوحدي.

سليم معندناش حريم يمشوا لوحدهم استني هخلي حليم يوصلك.

سليم نده علي حليم حليم.

حليم ايوه يا سليم ممكن توصل حنين البيت علشان ماتمشيش لوحدها.

حليم ياسلام بس كده ده انتوا تأمروا.

سليم انت الراجل بتاعي.

حليم اي خدمه يا كبير.

حنين هههههههه طيب يلا بينا انا هروح اسلم على طنط واجيلك.

حليم مستنيكي ياحنين.

سليم ربنا يجعلك من نصيبي.

حليم اللهم امين.

سليم انت لسه واقف يلا اجري معاها.

حليم حاضر يا عم ده انت ايدك تقيله اوي.

حنين سلمت علي مريم انا هنزل ياطنط.

مريم ليه مستعجله ياروح قلبي.

حنين علشان بابا ميضايقش.

مريم طيب سلمي علي خالاتك دي طنط ولاء قصدي لولو، ودي طنط وفاء.

حنين سلمت عليهم انا معلش هستأذن علشان متأخرش.

وفاء مع السلامة يا حلوه انتي.

مريم ايه رأيكم....

وفاء توكلي علي الله.

ولاء هو سليم ايه رأيه.

مريم ايه ده البنت ماخدتش السبوع بتاعها، ياسليم.

سليم ايوه يا ماما.

مريم حنين نسيت تاخد السبوع بتاعها انزل وراها علشان خاطري.

سليم ياسلام بس كده اعتبريها خدته.

مريم حبييي ربنا يفرحك، سلمي شيلتي سبوع لاخوات محمد.

سلمي لاء يا ماما وهو حد منهم جالك.

مريم يعني ايه اخوهم الي جايب السبوع ومتبعنيش لهم.

سلمي ياماما هما مقدروناش.

مريم لاء هما كلموني وبعدين متعرفيش ظروف الناس ابعتلهم مع محمد السبوع وهو مروح.

سلمي انت علي طول كده معاهم.

مريم يابنتي علشان خاطر جوزك كفايه تقديره ليه وبعدين ده انت بقالك اسبوع معايا ومتكلمش وهو عريس لسه، غير كده السبوع الي جايبه استخسره في اخواته ينفع ياولاء.

ولاء بصي بلاش رأي انا انت عارفاني راي في المواضيع دي.

سلمي شوفتي لولو رأيها زي ازاي.

وفاء يا بنتي اسمعي كلام امك.

سلمي حاضر تحبي ابعتلهم وجبات.

مريم اه لو في موجود زياده ابعتي دي فرحه لينا احنا، لاحمد انت كنت فين يااحمد انت وحليم.

احمد كنت تحت علي ما حبيبه تخلص الشقه مع سلمي.

مريم

بقولك يااحمد عوزاك تعالي سندني للسرير.

احمد تعالي ياحبيبتي.

مريم دخلت اوضتها ضهري هيموتني من الوجع.

احمد من ايه يا حبيبتي.

مريم سيبك مني دلوقتي بص في دكتور حليم قالي عليه هو كبير وممتاز في حالات الإنجاب دي.

احمد انا مش عاوز امشي في متهات تاني واعشم حبيبه تاني دي بتروح لكل دكتور وتعيش الحلم وترجع تتعب نفسيا من تاني.

مريم توكل على الله انا حاسه ان ربنا هيجعل في ايده الشفا وبعدين احنا هناخد بالاسباب مش هنخسر حاجه ايه رأيك اخلي حليم يحجزلك.

احمد طيب سيبيني افكر الاول

مريم وهي دي فيها تفكير انا هخلي حليم يحجزلك ايه الي هيجرالك يعني.

احمد انا خايف علي حبييه ا**ر بخاطرها بس.

مريم سيبها لله هخلي حليم يحجزلك وان شاء الله خير.

احمد خلاص تمام.

حبيبه لولاء هو احمد فين انا خلصت الاوض والمطبخ باقي الرسبشن بس.

وفاء عقبال مانعملك سبوع انت تبقي الفرحه الكبيره ياحبيبه.

حبيبه يارب ياا**ه.

احمد خرج يلا يا حبيبه.

حبيبه اه ده انا كنت لسه بسأل عليك.

احمد يلا انا هنزل وانت سلمي وتعالي ورايا.حبيبه عقبال سلمي ياا**ه مريم انت هتحتاجي اي حاجه مني انا هروح.

مريم لاء ياحبيبتي عقبال مانعملك ونقف معاكي كده زي ماأنت وقفتي معايا.

حبيبه ياا**ه مريم انت اختي الكبيره وانت عارفه اني ماليش غيركم.

مريم وانت والله زي سلمي بنتي ربنا يفرحني بيكم انتوا الاتنين.

حبيبه يارب انا هنزل لأحمد لحسن نزل.

وسلمت علي وفاء وولاء وسلمي ونزلت.

وفاء انا هروح علشان الراجل الي انا رمياه بقاله كام يوم هو والعيال.

ولاء الا صح انت مخلتهوش يجيب العيال ويجي ليه.

وفاء اسكتي وجعانين ياماما عاوزين الحمام ياماما انا ناقصه ق*ف انا قلت اريح نفسي منهم يومين.

ولاء هههههههه هههههههه والله عندك حق جوزك ده خنقه بس كويس انه بيقعد بالعيال ويستحملهم.

انا بقي هروح للوحده من تاني.

سلمي ماتخليكي ياخالتو مع ماما يومين كمان.

ولاء كفايه علي ابوكي كده ده مستحملنا بس علشان فرحان بعمار لكن ابوكي له دماغه وطلباته.

سلمي والله ياخالتو احنا كده هنفضي البيت مره واحده علي ماما خلاص انا هقول لمحمد أقعد مع ماما يومين كمان.

مريم خرجت من الاوضه.

نعم يا حلوه يعني علشان هو محترم معاكي عاوزه تستهبلي عليه.

سلمي والله يا ماما علشانك انتي مسيبكيش لوحدك.

مريم هو يعني انت بعيده تعالي كل يوم بعد ما يمشي علي شغله واقعدي النهار كله واخوكي يبقي يوصلك وابقي خديله غداه معاكي.

ولاء اه صح ياسلمي متسيبيش جوزك اكتر من كده انتوا لسه عرسان يابت فاهمه ولا افهمك.

سلمي هههههههه خلاص ياخالتو مش عاوزه افهم حاجه انا هقوم امشي.

سليم طلع وحشتوني والله ووحشتنا لمتنا الحلوه دي.

وفاء ام شاء الله نتلم في خطوبتك علي البنوته الحلوه الي نزلت.

سليم قصدك مين ياخالتو مش فاهم

وفاء يا سلام يعني مش فاهم خلاص براحتك نشوفلها عريس تاني.

سليم عريس تاني ايه بس اهون عليكي.

ولاء خلاص يا وفاء عديله يمكن م**وف ولا حاجه.

وفاء خلاص انا هقوم اروح وعرفني قبل ماتسافر علشان اجي اشوفك.

سليم ماأنت قاعده معانا انتوا هتمشوا لماانا جيت.

وفاء انا هنا بقالي كام يوم وخالتك ولاء هنا من اول الاسبوع ابوك زهق مننا.

مريم اخص عليكوا ده حليم اخوكوا عمروا مايزهق منكوا بالع** ده فرحان بلمتكوا حواليا.

وفاء كفايه كده علشان ولادي انا سيباهم بقالهم كتير.

هنزل اخد حسن يروحني يلا ياحبايبي سلام.

ولاء مع السلامة انا هروح الصبح علشان اروقلها بقيت الشقه

في اليوم التاني خلاص سلمي روحت بيتها وولاء صحيت راحت علي شغلها وهتروح لبيتها.

ومريم بقت لوحدها مع عمار وسليم وحليم الكبير والصغير.

حليم الصبح وهما بيفطروا.

بصوا بقي ياحبيبي والكلام اخص بيه نفسي كمان.

امكم طبعا سنها مش صغير ودلوقتي في ضيف جديد اسمه عمار وهو عاوز مجهود من مريم فياريت كلنا نساعدها بما اننا احنا التلاته رجاله والبيت كله مفيهوش غيرها بنت.

مريم بتبص لحليم ومتفاجأه من كلامه.

حليم يعني نساعدها اقل حاجه بالنسبه للاكل ناخدها من الاكل من المطبخ للسفره مش هينفع هي تقعد تحول الاكل واحنا قاعدين وبعد الغدا ندخل الفاضي اظن انه مش صعب عليكم كل واحد هيدخل طبقه.

ثانيا:

سليم بيوشوش حليم الصغير هو في ثانيا كمان.

حليم بتقول ايه.

سليم ولاحاجه يابابا احنا بنعمل كده في الجيش.

ثانيا :اوضكم تروقها يعني سريركم تتروق وهدومكم الي بتترمي علي الارض تتلم ماينفعش ندوخها ورانا كلنا والي عنده هدوم عاوزه تتغسل يطلعها لامه عند الغساله في حاجه صعبه في الي بقوله ده.

سليم وحليم لاء يابابا.

حليم اه واللي يعوز ياكل في وسط اليوم يسخن لنفسه مش لازم ماما تعمل كل حاجه بنفسها.

مريم ليه بس يا حبيبي.

حليم الكلام ده المفروض كانوا اتعلموا من وهما صغيرين....... بااااااااااااااااااااااس كفايه عاليكو كده عايزه بقى تفاعل وتعاليقات كتير وتشجيع علشان انزلكم البارت السابع ويارب اكون عند حسن ظنكم بحبكم كتير

يتبع بقلم ✍️ ملك فريد لطفى.