روايه قطار العمر

البارت الثانى عشر

اتمنى البارت يعجبكم

روايه ( قطار العمر ) البارت الثانى عشر

بقلم / ملك فريد لطفى.

مريم شكرا يادكتور.

حليم انا اسف على سوء التفاهم الي حصل.

الدكتور ولا يهمك انا مقدر خوفك علي ابنك وقلقك عليه والوقت متأخر ممكن ماتلاقيش دكتور تاني.

حليم هو كده بالظبط.

خرج حليم ومريم شكرا يا أنسه انا أسف اني زعقتلك وادها بقشيش علشان يراضبها.

نزل حليم ومريم.

مريم مش هتقولي في ايه.

حليم اركبي وهحكيلك كل حاجه في العربيه.

مريم تمام....

حليم اتحرك بالعربيه بصي يا ستي انا داخل بقول للسكرتيره الدكتور موجود قالتلي اه بس مش هياخد كشوفات تاني والي جوه اخر كشف وعينك ماتشوف الا النور.

مريم عملت ايه فيها انا عرفاك خلقك في منخيرك.

حليم مافيش الدكتور طلع علي صوتي واتأسفلي كمان هههههههه يلا حصل خير كل ده علشان خاطرك ياموري.

مريم انت علي طول كده مافيش تفاهم عندك.

حليم ماانت عرفاني لما بلاقي الي قدامي مقفل دماغه مابشفش قدامي اعمل ايه بس خلقي ضيق.

مريم ربنا يباركلنا فيك يا حبييي.

وهما بيتكلموا لقوا التليفون بيرن.

حليم ايه ده ده سليم ابنك.

مريم الو ايوه يا حبيبي انت وصلت بالسلامه.

سليم ايوه يا ماما وحشتيني اوي انا قلت اطمن عليكم واخواتي عاملين ايه وحشتوني والله يا ماما.

مريم خالي بالك من نفسك وطمني عليك دايما خد سمع ابوك صوتك.

حليم ازيك يا سليم عامل ايه يا حبييي طمني عليك

سليم والله يا بابا انا بخير ماتقلقوش عليا معلش مطر اقفل علشان خايف لحد يدخل عليا.

حليم مع السلامة يا حبيبي.

مريم الحمد لله انه عرف يطمنا انا سبب ضقتي طول اليوم اني قلقانه وخايفة عليه.

حليم الحمد لله ياستي فرفشي بقي وركزي مع عمار هو الي هيروقك

يلا حمد الله على السلامة وصلتي ياهانم.

مريم هههههههه الله يسلمك مرسي.

حليم هتحتاجي حاجه من بره اجبهالك معايا وانا طالع.

مريم لاء يلا بينا علشان منتأخرش علي سلمي هتلاقيها لسه نايمه الحمل جيلها بالنوم ولازم تاكل علشان البيبي.

حليم عندك عشا حلو يعني ولا هتضحكوا عليا.

مريم لا ده انا هبهرك وهتتفاجاء.

حليم خلاص هركن واطلع وراكي علي طول.

مريم اوكي تمام.

...... ..... ....... ......

سليم بيكلم حنين في التليفون.

حنين ازيك يا حبيبي وحشتني والله.

سليم وانت أكتر انا مش عارف لو كنت معرفتش اكلمك كان حصلي ايه.

حنين الحمد انك عرفت تطمني عليك انت عامل ايه.

سليم والله انا تعبان من غيركم حاسس كأني اول مره اسافر ده كله بسببك.

حنين بسببي انا.

سليم اه ماانت واخده قلبي معاكي اعيش انا ازاي وانت معاكي قلبي ينفع كده.

حنين ب**وف ده انت سليم الي بتقول الكلام الحلو ده انت اتغيرت قوي.

سليم قصدك ايه وبعدين انت دلوقتي علي أسمي.

حنين امال كنت عايش حياتك كلها جد في جد.

سليم لاء والله بس بحب كل حاجه في وقتها بتبقي حلوه وليها طعم علشان كده مابحبش استعجل الامعاكي ياحنين كل لحظه بعيشها وانت دبلتك في ايدي لها طعم عمري ماحسيته.

حنين انت عارف انا مكنتش مصدقه ان حلمي يتحقق بسرعه كده وابقي بكلمك دلوقتى والناس كلها تعرف ومش خايفه من حاجه.

سليم ربنا يخليكي ليا.

حنين وترجعلي بالسلامه يارب.

سليم انا هقفل علشان خايف حد يطب عليا مع السلامه يا عمري.

حنين مع السلامه وقفلت التليفون وسرحت في كلام سليم ليها وفاقت علي صوت مامتها بتنادي عليها.

حنين حنين حنين.....

حنين قامت بسرعه ايوا ياماما ثانيه واحد جيالك.

امال ايه يا بنتي انت نمتي ولا ايه عماله انادي عليكي.

حنين لاء ياماما والله مسمعتكيش كنت بكلم سليم كام بيطمني عليه انه وصل بالسلامه.

امال اه علشان كده مش سمعاني طيب يلا علشان تتعشي مع اخواتك

حنين حاضر يا ماما جايه اهه.

..... ....... ....... ......... ..

مريم قولي بقي ايه رأيك في الأكل.

حليم هو انت بتعملي اي حاجه وحشه.

سلمي احنا علي طول تعبينك معانا ياماما تسلم ايدك يا ست الكل.

مريم انا زعلانه والله ان محمد مجاش يتعشي معانا.

سلمي هو بيت**ف ياماما علشان كده عاوز اروح.

مريم يت**ف من بيته امال هياكل ايه ده.

سلمي هو بيتصرف واخواته مش بتسيبه.

مريم والله كلهم ولاد حلال.

سلمي اه والله يا ماما وقلبهم علي قلب بعض.

حليم قام وقف وقالها ربنا يهديهم لبعض يابنتي انا هدخل اريح يامريم لحسن فصلت.

مريم هتنام علي طول كده.

حليم مش قادر اظاهر احنا عجزنا ولا ايه.

سلمي لا يا بابا انت لسه شباب.

حليم بتضحكي عليا يا بكاشه اوعي تنسي علاج عمار يامريم.

مريم حاضر....

مريم نسيت اقولكم مش سليم اخوكوا اتصل طمني عليه انهارده.

حليم الصغير بجد ياماما هو عامل ايه.

سلمي كويس انه عرف يطمنا عليه.

مريم انا كنت قلقانه عليه من الطريق مش عرفه كده ليه المره دي.

حليم يمكن ياماما علشان مسافر وهو مضايق.

سلمي طبيعي ياماما انه يمشي مضايق ده كان لسه خاطب من يوم واحد مالحقش يفرح بعروسته.

مريم ماهو ابوكم بيقولي كده انا مش هرتاح غير لما يرجع لحضني.

سلمي يارب يا ماما يعديله الشهرين دول علي خير.

مريم يارب ويعديهم علي خير ليكي يا حبيبتي.

سلمي مكنتش اعرف ان الحمل بيتعب كده يا ماما.

مريم هما الشهور الاوله الي فيها تعب وان شاء الله ربنا يهونها عليكي يا قلبي.

سلمي تليفونها بيرن.

ده اكيد محمد انا هقوم ارد عليه.

الو ازيك يا محمد عامل ايه من غيري.

محمد طبعا متبهدل وزعلان من غيرك وهو انا ليا غيرك انا مش عارف اقعد في الشقه لوحدي.

سلمي انت عارف انه غصب عني انا تعبانه قوي ومش قادره اقوم من مكاني.

محمد ياحبيبتي انا عارف كل ده بس بتكلم معاكي ولا عوزاني اكلم نفسي ولا ايه.

سلمي لا خفت لتكون مضايق ولا زعلان.

محمد اهم حاجه لو بنوته تقدر الي بعمله علشانها والبهدله الي انا فيها وتطلع شبهي.

سلمي هههههههه لاء انا نفسي لوبنوته تطلع شبه ماما مريم ولو ولد يبقي شبهك عادي مافيش مشكله.

محمد انا حاسس ان الموضوع فيه طريقه ومش عاجبك شكلي.

سلمي لا ابدا بس علشان تتجوز البنت كده هتبور وتقعد في اربيزنا وبعدين هو في حد في جمال ماما مريم.

محمد مش قولتلك اني شامم ريحه تريقه..

سلمي انا بهزر معاك ده انت حبيبي وانت عارف.

محمد واضح انا هاجي اخدك من بكره علشان بنتي حبيبتي تطلع شبهي.

سلمي خلاص خلاص انا موافقه انها تطلع شبهك بس ليه مش حاطط في حسابك انه يطلع ولد ويطلع شبهك عادي مافيش مشكلة خالص.

محمد برده بتغلطي.

سلمي خلاص والله انا أسفه متزعلش.

محمد خلاص ادام اعترفتي بغلطك هسامحك واسيبك مع مامتك لاخر الاسبوع علشان تعرفي اني كريم.

سلمي حبيبي ربنا يخليك ليا وميحرمنيش منك ابدا.

محمد ولا منك يا قلبي انا هنام بقي لحسن هنام وانا بكلمك.

سلمي خلاص ياحبيبي تصبح على خير.

سلمي فردت ضهرها علي السرير وراحت في النوم.

مريم حليم روح شوف اختك اتأخرت كده ليه كل ده بتتكلم في التليفون.

حليم خبط علي سلمي ماردتش دخل عليها لقاها نايمه، دخل غطاها وطفي عليها النور وخرج.

مريم فين اختك.

حليم هههههههه نامت ياماما

مريم ياحبيبتي طيب متغطيه.

حليم انا غطتها وطفيت عليها النور وهي في سابع نومه ومش حاسه بحاجه.

مريم خلاص ياحبيبي ادخل نام انت كمان.

حليم انا هذاكر شويه وادخل انام بعد كده.

مريم خلاص يا حبيبي انا هدخل انا جنب اخوك الصغير قبل مايصحي ويقعدني جنبك.

وكل البيت نام وصحيوا تاني يوم علي صوت عمار وعياطه.

حليم اخد عمار وخرج من الاوضة.

مريم رايح فين يا حليم.

حليم نامي انت وانا هحاول اسكته.

مريم كانت تعبانه من عياط عمار طول الليل هزت راسها له ونامت تاني.

حليم شال مالك يا حبيبي فيك ايه تعالي اد*ك ادويتك وان شاء الله يكون فيها خافض ومسكن.

سلمي قامت من النوم ماله يابابا بيعيط ليه هاته وانا هاشيله شويه عنك.

حليم سيبه ياحبيبتي هديله علاجه اعمليلي فطار علشان افطر وانزل وعلشان خاطري سيبي امك تنام لحسن هي قاعده تكلمه وتهديه طول الليل.

سلمي حاضر بابا متقلقش عليه ولا علي ماما.

حضرت سلمي الفطار ودخلت صحت حليم اخوها يلا ياحبيبي انت نايم كده ليه.

قوم افطر بابا مستنيك بره يلا لحسن عمار تعبه هروح اخده منه.

سلمي اتفضل يا بابا افطر وهات موري هتصرف معاه ماتقلقش عليه

حليم اتمرني عليه علشان يبقي عندك فكره لابنك الجاي ان شاء.

سلمي ان شاء الله ياحبيبي تعالي ياروحي مالك يا قلبي انت بتعيط ليه يا صغنن وشالته في حضنها وطبطت علي ضهره عمال يعيط.

خدته وقلبته علي بطنه وقعدت تغنيله وتطبط عليه لغايت ماراح في النوم وهو علي رجلها.

حليم هو نام الحمد لله اخيرا.

سلمي اظاهر عنده مغص يابابا علشان كده نام لما نيمته علي بطنه.

حليم اوعي تحركيه لغايت ماامه تصحي من النوم معلش يا سلمي.

سلمي ده حبيبي متقلقش عليه خالص انا هقعد بيه مش هتحرك خالص

حليم ربنا يخليكم لبعض يارب.

سلمي ويخليك لينا يا بابا.

نزل حليم راح ورشته وسلمي قعدت بأخوها والولد نام.

مريم قامت تجوؤ علي عمار ايه ده هو عمار فين انا ازاي انام ده كله ومحسش بيه وقامت خرجت من الاوضه جري مالقتش حد في الشقه دخلت لحليم لقته مش موجود دخلت لاوضه سلمي لقت سلمي نايمه. وواخده عنار علي بطنها.

مريم سلمي سلمي وطبطبت عليها هاتيه ياحبيبتي ونامي.

سلمي ايه يا ماما الي صحاكي هو نايم كده ومرتاح في حضني.

مريم طول عمرك احن ولادي فاكره حليم مكنش ينام غير في حضنك لو انك كنت لسه صغيره.

سلمي حليم ده حبيبي وعمار كمان حبيبي.

مريم عقبال ماتشيلي ابنك كده يارب.

سلمي ياترا هيبقوا حلويين كده.

مريم امهم حلوه وابوهم حلو هيطلعوا حلويين طبعا.

سلمي يارب يا ماما مشتاقه اني اشوفه اوي.

مريم ان شاء الله ربنا يقر عينك بيه وتفرحي بيه قومي يلا علشان نفطر سوا اكيد مكلتيش.

سلمي انا فطرت بابا وحليم.

مريم اه صح هو حليم فين ماهوش في اوضته.

سلمي فطر وخرج راح دروسه ربنا معاه ياماما.

مريم يارب حاولي تنيمي موري علي السرير وتعالي نفطر علشان تفطري ابنك كمان..

سلمي هنيمه واجي.

مريم حضرت الفطار وندهت علي سلمي وفطروا مع بعض.

سلمي ماما انا همشي اخر الاسبوع علشان محمد متبهدل من غيري.

مريم ليه بس ياحبيبتي ماانت قاعده واخده بالي منك طيب حتي لما تعدي الشهر ده وتخلصي التالت.

سلمي هيبقي كتير علي محمد.

مريم خلاص روحي جمعه وسبت اجازته.

سلمي والله انا عاوزه اقعد معاكي بس هو صعبان عليا.

مريم خلاص مالكيش دعوه انا هكلمه

وهما قاعدين بيكلموا لقوا اخبار علي التليفزيون ض*ب وحده عسكريه في سينا واستشهاد عدد كبير من العساكر والضباط.

مريم الحقي ياسلمي قريتي الخبر.

سلمي ياماما ماتقلقيش ان شاء الله هيبقي بعيد عن كتيبه سليم.

مريم لاء انا قلتلكم ان قلبي واكلني عليه انا حاسه انه في حاجه.

وفضلت تعيط....

سلمي ياماما بتفولي عليه ليه اصبري بس ان شاء الله ربنا مش هيزعلك فيه ابدا.

مريم بعياط يارب يارب يارب استرها عليك يا حبيبي اتصليلي بأبوكي.

سلمي حاضر ياماما بس هتخضيه ليه بس.

مريم بزعيق اتصليلي بأبوكي.

سلمي حاضر حاضر.

اتصلت علي حليم.

حليم الو ايوه يا سلمي اخوكي فيه حاجه.

سلمي لاء يابابا بس بيقولوا ان في وحده جيش قي نفس الموقع الي سليم فيه اض*بت انهارده وماما منهاره وعماله تعيط.

حليم ايه سليم يعني سليم ضاع مني ولا ايه.

سلمي يابابا عاوزين نفكر نطمن عليه ازاي بس قبل مانفول عليه بعد الشر.

حليم طيب اعمل ايه دلوقتي انا دماغي اتشلت من التفكير انا جايلك مع السلامة

مريم نسافرله.

سلمي ياماما هتسافرله فين اهدي بس وان شاء الله هنلاقي طريقه نطمن عليه،وبعدين ماسليم دايما بيقولنا انهم بيسمعوا ض*ب نار حواليهم انت ناسيه ياماما.

مريم يارب انا هموت طيب اروح فين طيب واسأل عليه مين.

حليم وصل البيت مين قال يامريم انه في وحده سليم بس اهدي بس وان شاء الله هنطمن عليه عاوز بس افكر اعمل ايه.

مريم حاضر اهه اديني ساكته اهه.

وقامت اتوضت وصلت وقعدت تقرأ قرأن.

حليم اتصل بواحد صاحبه يعرف ناس كبيره في الجيش اسمه حسين.

الو ازيك يا حسين ياحبيبي اخبارك ايه.

حسين حليم ازيك يا حبيبي انت فين ياعم.

حليم معلش يا حسين هزعجك.

حسين مالك يا حليم صوتك مش عاجبني.

حليم انا عارف اني بتقل عليك بس سليم ابني عاوز نطمن عليه في الكتيبه بتاعته.

حسين هو في ايه بس.

حليم في كتيبه انض*بت انهارده في نفس موقع بتاعه الي هو موجود فيها اطمن عليه ازاي انا حاسس اني هموت.

حسين ماتقلقش ياحبيبي ابعتلي بياناته وانا هطمنك عليه ان شاء الله في اقرب وقت.

حليم الله يطمنك بسرعه لحسن امه هتموت من الزعل.

حسين ان شاء الله خير.

حليم مع السلامه يا حبيبي.

مريم ايه يا حليم في ايه.

حليم هيسأل ويطمني مقدرش اعمل اكتر من كده في الوقت الحالي واكيد لو فيه حاجه هنعرف.

مريم مش قولتلك من الاول تخليه يشوفله وسطه ينقله من سينا وانت تقولي مبحبش الوسايط عجبك قعدتنا دي عاجبك كده.

سلمي ياماما متستعجليش ان شاء الله سليم بخير.

حليم ماتخلينيش اطلع عن شعوري كل واحد بياخد نصيبه ولو ليه نصيب في حاجه هيشوفها ارحميني بقي ده ابني برده.

مريم ياسلام ابنك ومخفتش عليه من الاول ليه هه بدل مااحنا قاعدين هنتجنن عليه.

سلمي ياماما بلاش الكلام ده انت مضايقه ومش عارفه بتقولي ايه.

مريم اه انا اتجننت عاوزين مني ايه وفضلت تعيط ومنهاره من القهره علي ابنها، افتحي التليفزيون افتحي النت شوفي اي اخبار تطمني علي اخوكي.

سلمي ماما عمار بيعيط تعالي ادخلي رضعيه.

مريم انا مش هرضع حد انا هموت انا هموت ياسلمي لو سليم جراله حاجه.......بااااااااااااااااااااااس

‏ ‏عايزه تعليقات كتير وتفاعل علشان انزلكم البارت السادس وشكرا بجد على دعمكم ليا بحبكم كتير متنسوش تقولو توقعاتكم ورأيكم الان رايكم يهمنى

‏ ‏ ‏ ‏يتبع بقلم✍️ملك فريد لطفى