Napakurap siya. Nananaginip pa siya? Hindi. Naramdaman niya ang kamay nitong humaplos sa mukha niya. Napamaang siya, prinoseso ang sinabi nito at halos mabilaukan siya sa sariling laway nang maintindihan niya ang nangyayari.
Bigla niyang hinawi ang kamay nito sabay tayo. "Nagpapatawa ka ba ha? Anong umuwi na tayo ha?!"
""Puro ka ha, ang bingi mo pa." biglang bumalik sa normal ang ekspresyon nito. Malayong malayo sa pinapakita nitong emosyon kanina. "Sabi ko, tara na."
Tumalikod ito sa kanya at nakapamulsang naglakad. Nanatili siyang nakaupo sa swing at tinitignan ang malapad nitong likod. Bigla niyang naalala noong highschool palang sila...
Chubby si Dominic noon, pero hindi napasobra, iyong sakto lang. Malapad ang likod at malaki ang braso, maypagka moreno at ang kapal ng buhok na pal
