Napakunot na lang ang noo ko nang may kumakatok sa pinto. Nailapag ko agad ang libro na binabasa ko dahil sa pagkabigla. Wala akong inaasahan na bisita o room service. Kung si Scott ‘yon ay makakapasok na agad siya sa room pero mukhang hindi siya ‘yon dahil nakapag-usap din kami na mag-focus muna sa pag-aaral. Hindi naman p’wede na palaging nandito si Scott lalo na’t napapadalas pa ang pagtawag sa ‘kin ni Papa.
“Wait!” napasigaw na ako at napatayo upang lapitan na ang pinto nang marinig pa ang sunod-sunod nitong pagkatok. Bago ko buksan ay nagtanong muna ako. “Who’s this?” kasi kung room service or staff ng hotel ‘to ay hindi naman sila pabigla-bigla kung kakatok na para bang sisirain na ang pinto.
“It’s me, Kimia.”
Nanlamig na lamang ako nang mapagtanto kung kaninong boses galing ‘y
