“Ano bang pinagsasabi mo riyan Shania? Ni hindi nga ako pumasok sa kwarto niyo ni Ivo tapos ako pa ang pagdidiskitahan mo? Nahihibang ka na ba?” tanong niya sa babae. Halos kuyugon siya nito samantalang pilit naman na nilalayo ni Manang si Shania sa kaniya. Subalit hindi rin nagpapatinag ang babae dahli halos sa kaniya lang ito nakapulupot.
“Ikaw! Ikaw ang nahihibang ibalik mo ang ninakaw mo sa akin!” inis na sambit nito at pilit hinahablot ang kaniyang buhok hanggang sa malakas niyang tinulak ang babae na nagsanhi nang pagkaupo nito sa sahig.
“Ano ba! Wala nga akong ninakaw! Ang kulit mo naman!” sigaw niya sa babae kaya halos lahat ng katulong doon ay nakikiusyuso sa kanila.
“Ano na naman ang nangyayari rito?”
Napalingon sila kay Ivo. Nanlilisik ang mga mata nito at galit na g
