Ilang araw ang nakalipas nang hindi na talaga nagpapansinan sina Ivo at Shania. Hindi na rin umuuwi si Shania sa mansyon kaya sobrang nag-aalala si Manang si kanya. Hindi niya alam kung hinahanap ba ito ni Ivo o hindi dahil hindi naman nila na napag-uusapan ang babae. Tanging naka-focus sila sa pag-aalaga sa kambal. Halos araw-araw ay palagi silang nag-bo-bonding, sobrang napalapit na talaga ang mga bata kay Ivo at natutuwa siya dahil doon. Minsan ay nakaka-video call din nila ang lolo at lola nila na kasalukuyang nagbabakasyon sa Amerika. Nakilala rin niya sila at sobrang babait ng mga ito, sabi nito sa kanya ay excited na silang makita ang kambal labis naman ang kanyang tuwa dahil tanggap nila sila at walang paghuhusga ang nakikita n’ya sa mga mata hindi kagaya sa mga magulang ni Shania.
