Napapangiti ako habang nakatingin sa kalangitan. Kasalukuyan akong nasa malawak na hardin ng bahay ni Andrei.
Nang araw na iyon, nilibot ko ang buong bahay at halos mahingal ako dahil sa laki at lawak pala talaga ng bahay nito. Naalala ko pa ang ilang kuwarto na nasa ikatlong palapag. Para daw iyon sa magiging anak namin. Akalain mo, talagang planado na ng binata.
"Ma'am, tumatawag ho si Sir Max. Hinahanap po kayo," wika ng isang kasambahay.
Bakit kaya Max tawag nila? Mas bagay sa kaniya ang Andrei. Max, parang womanizer talaga ang datingan.
"Sige, thank you." Kaagad akong naglakad patungo sa telepono.
"Hello?"
"Baby, I miss you!" bungad kaagad ng binata sa akin sa kabilang linya.
Hindi ko naman naiwasan ang kiligin. Hindi ko talaga inaasahan na darating kami sa ganito kagandang re
