“Si Dr. Napoli pala ang ex-girlfriend ni Dr. Tan?”
“Oo. Iyon ‘yong narinig namin sa E.R.”
“Paano niya nagawang lokohin ang isang gwapo, mabait, matalino at mayaman na gaya ni Dr. Tan?”
“Hindi ko akalain na ganoong klaseng tao pala si Dr. Napoli. Mukha pa naman siyang mabait.”
Biglang natigil ang malakas nilang bulungan nang tumayo ako sa harapan ng station at malakas na ilapag ang chart na hawak ko. Napatingin sa akin ang apat na nurse na kanina lamang ay nag-uusap. Nakita ko ang pagkataranta sa mga mata nila nang makita ako at tila hindi alam ang gagawin.
“If you have questions about me, you can just simply ask hindi iyong nag-ko-conclude kayo ng kung ano-ano,” seryoso na sabi ko sa mga ito bago harapin si Nurse Jackie at tangungin ang kalagayan ng mga pasyente na
