"Ang sakit, ha.." nakangiwing angal nito at hinaplos ang tagiliran dahil medyo madiin niya itong kinurot.
"Dapat lang 'yan sa'yo! Ang ingay-ingay mo kasi.." inis niyang tugon.
"Bakit, natatakot kang malaman nina Harry at Joan na hinalikan kita?"
"Pwede ba tumigil ka na! Itikom mo 'yang bibig mo." mahina niyang saway rito at panay ang tingin sa dalawa kung pabalik na ba ang mga ito.
"Bakit, totoo nama--"
"De Jesus!" mahina niyang sigaw at namumula na sa galit ang mukha.
Imbes na tumigil ay ngumiti pa ito ng matamis sa kanya. "Iyan ba ang tawag mo sa akin? I like it. It sounds..uhmm.." ngisi nito at medyo pumipikit pa.
"Ano'ng uhmm? Bastos ka talaga!" nandidilat niyang tanong.
Halos gusto na niyang sumabog sa kakulitan nito. At ngayon ay gusto naman niyang kilabutan sa mga titig ni
