Nang mahimas-masan si Jhanna sa ginawang pagnanakaw ng halik ni Dale sa kanya, ay naisip niya agad ang damit na kinuha nito. Dahil hindi pa nito iyon nababayaran.
'Ay, leche!' aniya at mabilis niya itong hinabol.
Mabuti na lang at hindi pa ito masyadong nakakalayo.
"Sandali!" sigaw niya rito.
Napahinto naman ito sa ginawang sigaw niya at pumihit ito paharap sa kanya.
"Yes?" sagot nito na may nakakalokong ngiti.
Nakasimangot niya itong nilapitan. "I-yong da-mit. Hindi mo pa bayad 'yan!" nauutal niyang sagot.
"Oh, sorry. Akala ko libre," nakangising sagot nito.
Nangunot ang noo niyang tinignan ito.
"Anong libre pinagsasabi mo? Ako ba may-ari ng mall?" mataray niyang tugon.
"Well? Sa ginawa ko a while ago." tugon nito na ikinapula ng mukha niya.
"And what did you do a while ago?"
