"Pwede ba Harry sa hotel niyo gawin iyan, 'wag dito sa mall ko. Isa pa masyado pang maaga para diyan. Jeez!" narinig pa ni Jhanna na sinabi ng lalaking kasama ni Dale na ito pala ang may-ari ng mall kung saan siya nagtatrabaho.
Mabilis siyang tumayo dahil naasiwa siya sa ayos nila ng lalaki na walang iba kundi si Harry ang dati niyang kaklase no'ng high school. Kaya pala parang kilala niya ang mukha nito. Sabagay, walong taon na rin ang lumipas at wala na rin siyang balita dito. Sa totoo lang ayaw niyang makibalita sa mga kaklase niya noong high school dahil nahihiya siya sa mga ito. Sila may kanya-kanya ng magandang trabaho, samantalang siya ay high school graduate lang ang natapos niya at kung ano lang pwedeng mapasukan base sa natapos niya. Kaya siya na ang kusang umiwas sa mga ito lal
