"Po? Hindi pa nakauwi si Joan mula kagabi?" hindi makapaniwala na tanong ni Jhanna sa Mama ni Joan.
"Oo, Jhanna. Nag-alala na nga ako sa kaibigan mo na 'yon dahil ngayon lang to nangyayari. Hindi nagpapaalam kung saan siya pumunta," mangiyak-ngiyak na paliwanag ng Mama ni Joan.
Halos mawindang siya sa mga hindi magandang nangyari kagabi. Muntik na siyang magahasa at ngayon nawawala pa si Joan. Paano na ang Papa niya? Saan siya kukuha ng malaking halaga para sa operasyon nito? Gayung nawawala pala ang bes niya, na tanging ito na lang ang natirang pag-asa para maoperahan ang kanyang ama. Gusto na niyang maiyak ng mga sandaling iyon. Sumasakit pa ang ulo niya dahil sa iniinom niya kagabi.
"Let me help you then…" biglang singit sa utak niya ang sinabi ni Dale.
"Ah, hindi! Hindi! Ayokong l
