سجن بلا اااسوار

#سجن_بلا_اسوار بقلمي نازك الملائكة ج1 وسط زحام حياتنا المملوءة بالمعاناة وسط متطلبات حياتنا البسيطة وسط حزن اهلي ع فراق احبة هواي راحو منا حرب ال90 وماادراك ماحرب ال90.. والثورة الشعبانية.. اخذت هواي من افراد عائلتي عمامي اثنينهم اعتقلوهم وبيت جدي تهدم وكاعهم يبست ح*****تهم ماتت.. نزحنا لمنطقة ثانية وبدينا نبدي حياة جديدة جنت صغيرة ذاك الوقت بس الاحفاد هم الي حاولو يلمون شتات عائلتنا بوحدة من اطراف بغداد بدينا حياتنا ورجعنا الي ضاع يس ظلت عين الدولة علينا خواتي الاكبر مني بطلوهم وگعدوهم اخواني وعمامي مالهم حق بوظيفة ولامستحقات حتة راتب جدي الي جان ياخذة قطعو رغم خدمتة الطويلة بالجيش.. حتة الارض الگاعدين بيهة مو ملكنا رغم التعب التعبو بيت جدي بس تبقى مو ارضنا.. واسوء شي صارلي انو رحلو بيبيتي وامي بحجة انو ميحملون الج*سية العراقية.. لحد هاي اللحظة اذكر جكد بجيت وكت ماراحت وتركتني اني واخوية الصغير سعد وظلينا تحت رحمة زوجة ابوية الكبيرة الي جانت اصلا حاقدة علة امي لان ازوجها ابوية ودائما اسمعهم يحجون عليهة بالعاطل.. مرت عشر سنين تقريبا... اختي فردوس هي الربتني وهي جانت تهتم بية حتة من يريدون ياذوني اتحامة بيها صارت هي امي هي تمشطلي وتغسلي وتبدلي.. دخلت المدرسة ومن خلصت سادس ابتدائي بطلوني هذا الماشي هنا المهم اعرف اقرا واكتب.. بس سعد اخوية اصغر مني جان يقريني ويا جنت شاطرة بس احب الونسة واللعب اعشق المغامرات جانت فردوس اختي تگلي انتي بدمج يجري الدم الانگليزي لهذا شعنونة ومااكعد راحة.. مااحب حياة اهلي كلها تعب فلاحة وحصاد واحنا البنات كلنا جنا نطلع للزرع نساعد الزلم.. جنت الگالي اغذار عمود اهرب.. او اسوي روحي مريضة.. مرات يصير تفتيش مفاجى للزرع.. النسوان كلهن ملثمات ممبين من عدهم شي نخاف.. الا اني جنت صلفة ومااقبل.. جنت اگللهم قابل رح ياكلوني مااريد اكيد الي يشوفنة ميتمنة يتقربلنا بس الي اخذتة من امي عيونها الزرگ وبشرتها البيضة الناصعة وشعر اسود فاحم.. دايما ورا كل تفتيش اكل كتلة من اخواني او ولد عمي الكبار.. اخر شي فردوس اقترحت عليهم ابقى بالبيت عمود اساعدها بالبيت.. وشغل البيت ماينتهي من ساعة6لحد مايفكرون الولد ينامون.. لو باقية ع الزرع اشرفلي.. عالاقل يخلصون حش ويرجعون يغسلون ويرتاحون.. فردوس؛ اشتغلي وسكتي باجر بيت الرجال كل شي تشتغلين وبحلگ ساكت... نغم؛ ومنو گلج اني اريد اتزوج اني اريد ابقى طير حر.. علي:الاخ الكبير.. زين ياطير ياحر روح لمع قندرتي دا اطلع.. شمسوية فردوس عاللغدا.. فردوس : لاتباوعين علية هيج.. اتمتعي بالحرية حبيبتي.. نغم: كاني ناقصتكم اني صوجي ماجلبت باامي ورحت وياها جان هسة بلندن اسرح وامرح.. برزان: قنادر احسن شوفي امج بحضن منو نايمة.. برزان؛ ابن عمي.. واختة مزوجة اخوية حامد.. وهو ع طول بيتنا.. نغم: من واني صغيرة اليحجي وياي مااحجي ويا اابسة وامشي.. برزان: مو عاجبج.. مو.. هذا الخشم لازملة **ر.. نغم: انت ليش هيج تحجي تقبل احد يحجي ع امك.. برزان؛ انجبي.. لج انجبي امي اشرف من امج ومن عشيرتهة.. نغم: اخ.. عوف ايدي.. مااعوفهة اليوم ا**رها الج.. نغم: بحركة ماقصدتهة ض*بتة تحت السرة وشردت.. برزان: ايا بنت القندرة.. گطعتي الخلفة اني اعلمج.. نغم: تستاهل.. عمود تعرف مرة اللخ شسوي بيك اكطعة من الرئيسي.. فردوس: هااا.. خيرج نغم شكو.. نغم: يعني الي متي احنا نظل نتحمل ذولة ماعدهم بيت ليش يجون بيتنا.. شو اخوتي ميسوون اليسوو هم.. فردوس؛ منو ذولة.. نغم؛ ولد عمي.. ابتلينا بيهم مو عدهم خواات ميروحون عليهم يخدموهم.. فردوس؛ عيب عليج هذا بيتنا كلنا ميصير تحجين هالحجي اهنا بيتنا كلنا وبعدين انتي شعليج بيهم جاين بيت جدهم تردين تطردين العالم.. نغم: يتحرش بية فردوس اليوم لزم ايدي ويتحسس بايدة الثانية جتفي.. فردوس: الساقط.. نغم.. حاولي مصيرين گدامة كلهة كم شهر ويزوج رغد بنت عمج.. خ يولي.. نغم؛ متفتهم رغد عافت دحام ورايحة ع اخو الكلب.. فردوس؛ هسسس.. حسج عينج تحجين هالحجي ورا هجمان بيوت انتي تعرفين سر متعرفين تحطي جوا ل**نج.. تعرفين ليش صار برغد هيج.. لان جانت طايشة مثلج تحلم بذاك البطل الي رح يخ*فهة ع حصان ابيض اصحي حبيبتي تاليتج بعربانة يجرها زمال.. عالاقل اخذي مختار متعلم وعندة شهادة.. نغم: عووع هذا ابو خشم اليابس هو وامة التكرهني كره العمة وخابصتني ابني وابني وهو خلك كاتب بشهادة اعدادية.. فردوس مو احسنلج ماتاخذين واحد لاعلم ولافهم وريحتة تكتل ورجلي مفطرة.. نغم: اني مااريد اخذ احد مااريد ازوج.. فردوس: يا.. شون.. لازم تزوجين.. نغم: لا مو لازم.. انتي مو مامزوجة.. فردوس: دتشوفيني شون حال حالي اخدم هاذ وامشي هاذ.. دير بالج نغم دير بالج تفكرين هيج.. ظلين خدامة لكل واحد فات لهذا البيت... نغم : عوذة اني ابقى خدامة ذولة.. بس يصير عمري 21 انهزم ماابقى.. فردوس: ولج اش شكاعد تخربطين.. اسكتي لحد يسمعج.. نغم؛ اشرتلهة بااصبعي باجر تشوفين بس اكبر وسعد يتخرج اروح ويا ونشرد.. فردوس؛ اسكتي. ولاتخليهم يدفنوج هسة.. لاتسوينا مشاكل.. اجة رعد ابن عمي.. وقاطع كلامنا.. رعد؛ وشنو الجديد ماطول عمرها هي ام المشاكل.. شنو جديدها.. شمحضرة مصيبة جديدة اذا نص المعسكر يعرفهة.. فردوس؛ شنو هالحجي.. يعني عيب تحجي هيج.. نغم بعدهة صغيرةومتفتهم.. وهسة تكبر وتتعلم.. رعد؛ فهميهة فردوس فهميهة.. فردوس: حاضر رعد.. حاضر.. رعد: هاي شطابخة اليوم.. فردوس تشريب دجاج وبرياني.. رعد؛ تعرفين.. جكد احب اكلج واجي من الزرع لهنا عالريحة فدوة صبيلي.. فردوس : تمتلا روحي فرحا وانا اسمع اطراائتك.. وانت تمدح اكلي.. افرح بمحياك واتمنى من ربي بس يجمعني بيك.. رعد: نغم.. روحي جيبيلي مي.. نغم؛ هاااا... رعد؛ ولج لاظلين صافنة مثل الصخلة روحي جيبي مي... خرب.. شركت باللكمة.. فردوس؛ **الله.. **الله.. نغم؛ من واني صغيرة واني اشوف عظمة فردوس امي مو اختي مص*ر قوتي تنهار كدام شخص ابن عمي وهو يطلب منها اكل وشرب عفية اكويلي قميص.. اغسلي بنطرون وهي تسويلة بدون عجز وكل حب.. كانهم مزوجين بس بقة يربطهم عقد وعلاقة زوجية.. صار عمرها 35وهي تنتظر وهو 41 بس شو نهايةهذا الحب مااعرف.. اني خايفة لايجي يوم تكشف فردوس روحها عايشة بكذبة.. وتنصدم واني حاسة رعد يعرف تحبة ومغلس.. نغم؛ فردوس وين الحصان مالتج... فردوس؛ تادبي هذا ابن عمج الجبير.. وحبيب اختي المسكينة.. فردوس؛ انتي ناوية ع كتلتنا اليوم ولج شنو هالحجي.. نغم: فردوس ليش انتي هيج طيبة ليش هيج تخلي يستغلج.. فردوس؛ انتي شبيج نحيسة والله انتي تختلفين عنة.. ماتشبهينة.. نغم: هو اني لقيطة ليندا.. وابوية كال لا هاي بنتي اربيهة بس لمن كشف مو بنتة استحى يكول للعالم مرتي خانتني.. فردوس: تادبي ولج ليش تحجين ع روحج هيج.. امج جانت اشرف وحدة بس غير الضرووف.. نغم: كل الي بالبيت محسسيني اني لقيطة حتة ابوية مو طايقني حاسسني ثقل علي.. فردوس من سوالفج غير.. لج انتي بنية بنية وتصرفاتج كلها مال رياجيل... نغم: صرت الهم رجال والكل لازك الي.. حتى رجل اختج نبراس.. يظل فاتح حلكة واني احط الاكل.. فردوس: نغم.. بعد لاتطبين ولاتطلعين ولاشوفين روحج لااحد مو متريدين احد يدنالج.. نغم: شون يعني اصير شبح.. شون دبرتيهة والله اليريدني اسوي روحي مخبلة واكفش شعري.. فردوس : يلوكلج الدور هذا عالغربة بس ولد عمج يعرفوج وكلهم عينهم عليج.. نغم: عوذة منهم ومن عيونهم اف**ها واحد واحد.. فردوس : شكد تحبين تحجين.. يلا جيبي مواعين خ نصب.. نغم :ورا ميخلص الهلاك مال كل يوم... انفوت اني وفردوس لغرف*نا احنا البقينا من البنات مامزوجات... والبس ملابس ستريجات بديات.. واتخيل روحي بعالم ثاني واتخيل روحي بغير مكان.. بغير بيت وبغير ضرووف هناك بوحدة من مدارس انكلترا وتنورتي القصيرة المقفلة وقميصي الابيض مثل ماشوف بالافلام.. وشعري فاتحتة.. والكة روحي الصبح افز ع صوت البلابل الي بالبيت.. وينجن وين الريوك.. نغم: اوف ذولة شوكت صحو.. الله يهدهم.. فردوس؛ اتغطي.. اتغطي ولاتدعين ع اخوتج.. نغم؛ وين انام وذولة صوتهم اليجوعر.. فردوس: حطي مخدة ع راسج.. نغم: بدون متكولين وحاطة قطن بااذني.. طبعا فردوس خطية تحير بالريوك والغدا والجناين كل وحدة يم اهلهة لحد مايرجع زوجهة لان بيتنا مظيف للرايح والراجع.. والجناين ميعجبهم هالوضع والاخوة ساكتين من العيب عمامنا ميصير نزعلهم.. المهم خلصانين.. نجي ع مرة ابوية اي عريس يجي لازم تحطني براس القائمة بس طبعا بفضل جهود خواتي الي يردن يزوجن.. وخبالاتي.. اشوف اقدم ثوب واكفش شعري وافوت للحضيرة مال جواميس اتشبع بالعطور الفرنسية واستفرغ كل الاكلتة من الريحة ما اطيقهة.. واجي اقدم للخطار خطية يسدون خشومهم من الريحة وتتحول القسمة لوحدة من خواتي ونظل نضحك عالموقف.. اني نسيت اعرفكم عن عائلتي وترتيبنا.. اني ترتيبي قبل الاخير بااخواني واصغر مني اخوية سعد الوحيد هو ش*يقي والبقية اخواني من ابوية 3ولد و5بنات اخواني الكبار مزوجين وباقي رافع وسعد بعدة اعدادية.. و3خوات مزوجات نبراس وايناس ومياس واني وفردوس مامزوجين.. مزرعة جدي بيهة ثلاث بيوت لعمامي الثلاثةواولادهم وبيتنا البيت الجبير متربين ويانا عزيز وعلي حبابين احسن من اخوتي مرات احسهم... دائما يقروني وياهم ويساعدون اسعد بالدراسة.. وذولة ماعدهم زرع ثنينهم خلصو معهد معلمين ومتعينين بالناحية وجمعو فلوس وسوو بحيرات مال اسماك ورزقهم دارج واستاذنو جدي يشترون حصة بالكاع ويبنوهة بس جدي مقبل وكاللهم اشترو بعيد مو هنا لان الكاع مو كاعنا وع ساعة يسحبوهة.. اشترو ملك صرف او استثمروهم احسن وهم يعد ماعدهم وضيفة يداومون تطوعي.. عائلتنا تحكمها العادات والتقاليد القبلية لذا البنية بوسط عائلتنا مالها راي مالها شخصية وتروح بيت رجلها نفس المأساة.. جنت رافضة كل هذا الوضع وجان بالي بس مشهد الهروب اني واخوية ونبدا برحلة البحث عن امي.. واقتنعت بهالفكرة وكمت اقنع سعد يقوى روحة عمود نسافر.. اكثر عدو الي بعائلتنا سعدية.. جانت غريمتي ونتناوب ع المقالب ببعض.. ويومية ماخذة كتلة من وراها لذا خليت بالي شغلك ااذيهة اذية بعد متكدر تتحرش بية.. رعد.. مسوول حزبي ظل يتلوك لااصدقائة واخواني يكولون هو سلم عمامي للحكومة عمود يبين زلبطل والريس يكرمة.. ولحد موصل هذا المكان صار جبار ظالم يستلذ بااذى غيرة الكل يخاف منه حتة جدي.. قررت اتسلل لغرفة رعد واخذ وحدة من اوراقة واخلي يلزم سعدية يموتها.. وساعدني سعد.. نغم: يلا ولك صعدني... سعد؛ ولج مخبلة تصعدين سياج هسة يشوفونة.. نغم؛ بس لاتحجي وهسة محد يشوفنا.. انتظرني مو تروح هسة راجعتلك.. فتت من الشباك واخذت ورقة بدون مااركز.. اطشرت اوراقة خفت لميتهم واني متوترة اسمع صوت سعد يستعجلني... باوعت ع بلاغات للشرطة.. ومن ظمن البلاغات رسالة مكملها ديخبر عن ابوية.. عندة نشاط. اخذتة وهربت.. وجسمي كلة ينتفض صح جنت صغيرة بس اذكر شون جرو عمامي وعذبوهم كدام عيني.. يعني ابوية هم.. رح يسوون بي هيج.. عبرت وجريت سعد وهو يكلي شبي لونج مخطوف.. نغم: امشي سعد.. امشي.. بنفس هذا اليوم... اجة رعد انطة الجدي فلوس كومة كالة جدي خليهم يمك اني مااحتاجهم.. هيج اذا حجيت علي اطلع كذابة لازم ارجع لذيج الغرفة وادور زين.. كتمت السر.. واختنگت بي.. اگول لو مااكول.. صح ابوية عمرة محن عليةبس يبقى ابوية ورح جر لااخوتي هيج يفرغ الساحة لحضرتة هو واخوتة.. واحنا نطلع برا.. ردت اكول لفردوس واذكرت هي تحبة واذا كتلهة مرح صدگني.. اسكت احسن.. السر ياكل بية اكل وهو يجامل ابوية ويضحك ويا.. ولا كأنو مسوي شي.. مجرم.. خاين.. لازم اكول لجدي.. لازم اشوفة الظرف.. رحت ادور علي ملكيتة.. اختفى منو اخذة.. محد يدري اخذتة بس سعد.. رحت سالتة... سعد وين الظرف.. ياظرف.. الظرف اخذنا من غرفة رعد وين وديتة.. سعد؛ مااعرف شتحجين.. سعد.. انت قريت الي بي.. سعد :ماشفتة دا اكلج.. انتظري ذكرت فردوس شايلة ظرف بس.... نغم.. تعاي شبيج... فردوس: ها شبيج شو شايشة.. نغم: فردوس وين الظرف.. ياظرف.. الي اخذتي اريدة.. فردوس؛ نغم لاتعلين صوتج علية فهمتي.. نغم؛ فردوس حياة ابوية بخطر لازم احذرة.. تحذري من شنو رعد خلف الله عليه ديطلع ابوية للحج.. ود*كتب توجيه عمود يسهلولة.. شبيج.. نغم: فردوس ممرتاحة.. جيبي اشوفة جدي.. فردوس؛ شبيج نغم لاتلحين روحي اليوم عدنا عزيمة دنلحك وانتي مگضيتهةتفرفر.. نغم؛ بس فردوس... يوووو.. يانغم لاتلحين بلكي الله يف*جها.. ورعد يحجي ويا ابوية ونتزوج.. نغم؛ عرفت الحجي والنقاش ويا فردوس عقيم.. لازم اسوي شي قبل لايتأذى ابوية.. ظليت احوم حول غرفة رعد لحد مالگفني بغرفتة ووقعت بجحر الافعى.. للقصة بقية.. اشوف عدد المتابعين لهالقصة اذا عجبتكم اكمل تحياتي.... نازك الملائكة