"Okay, okay," masayang simula ni Kiray.
Inilagay nito ang basong puno ng tagay sa tapat ni Greg.
"Officer Greg, ikaw na muna," aniya nito.
"Sige," walang kaabog-abog na pagpayag ng pulis.
"Ako ang magtatanong," pag-ako ni Kiray na umayos pa sa pagkakaupo.
"Oo, pa-bida ka naman e," bulong ni Kellan.
Tinaasan lang ni Kiray ang binata ng nguso, at inirapan.
"Simulan na natin, Officer Greg. Ano'ng type mo sa babae?"
Napatango ito pagkaraan sinulyapan ang katabing si Selena na malinaw na napansin ni North.
"O, iyan madali na iyan, ha!" anang ng dalagita.
"Shot o sagot?"
"Ano, ano," tila nawala ang tapang ni Greg. Lalo nang tingnan ni Selena.
"Dali na, Officer. Shot o sagot?" pagpataranta ni Kiray sa binata.
"Sagot," na pilitan tuloy si Greg.
"Iyon!"
Naitutok ni Selena ang mga mat
