Iiling-iling si Selena habang pinagmamasdan ang binata. Maganang-magana ito kumain ng inihain niya ang kaninang inaalok nila ni East na minatamis na saging.
"Can I have more?" tanong nito habang hindi pa rin siya tinitingan, at pokus na pokus sa pagsubo.
Nagtatakang tiningnan ni North ang kaharap dahil sa pangangawit ng braso habang iniaabot dito ang tasa. Para manghingi pa dito.
Natigilan siya nang makitang ngumiti ang dalaga. Kahit namimintog ang magkabilang pisngi dahil sa punong-puno ang bibig. Nahiya siya ng konti, ang nakayukong katawan ay agad niyang itinuwid.
"Bakit ka nakangiti?" Tinaasan niya pa ito ng kilay habang pinag-aaralan ang maamong mukha.
"Wala, kanina kasi, nag-iinarte ka. Ngayon para kang patay gutom."
Naroon pa rin ang ngiti sa labi nito nang laiitin siya. Pero
