"North!"
Buhat sa narinig na pangalan ay napahinto si Selena sa ginagawang paglalagay sa plato ni Greg.
Dire-diretso si North na pumasok, at tinahak ang lamesa kung nasaan ang tatlo. Saglit niyang tiningnan ang dalagang katabi ni Greg, bago tinapik ang kaibigan pulis sa balikat.
"Happy birthday," bati niya.
Umupo na ito sa isa sa mga silya. Sinubukan naman ni Selena na maging kaswal. Umarteng hindi maging apektado sa pagdating nito.
"Salamat, nakarating ka."
Tipid na ngiti ang ginawa ni North habang sa sulok ng mga mata ay pinanonood ang babysitter ni East na inaasikaso sa pagkain si Greg.
Sandaling umangat ang mga kilay niya ay pasimpleng humugot ng hininga.
"Salamat, Selena."
Ngumiti ito sa kaibigan bago umayos nang pagkakaupo. Hindi niya inaalis ang mga mata rito.
"Let's eat!"
