Napahawak si Selena sa bewang, napakasakit no'n dahilan para maipikit pa niya ang mga mata ng mariin. Hirap na hirap siyang mumulat. Lahat ng parte ng katawan niya ay masakit, at mahapdi.
Kung bakit ay hindi niya alam.
Itinuon ng dalaga ang may mga gasgas na palad sa malambot na kama. Pilit siyang bumabangon paupo habang binubuksan ang mga mata.
"A-aray," naiiyak na wika ni Selena.
Nang tuluyang makaupo ay sumandal siya, at nagmasid sa paligid. Hanggang sapitin ng kaniyang mga mata ang kung anong nakasaksak sa kaniyang braso.
Napangiwi siya nang mapagtantong isa iyong swero. Muli niyang inilibot ang paningin, at napakurap.
Nasa hospital siya ngayon?
Pero paano?
Lumalim ang gitla ni Selena sa noo habang pwersahang iniisip ang huling nangyari.
Naglalakad siya noon, at patawid na n
