"Ano'ng sasabihin mo sa Uncle mo?" tanong ni Selena habang nakaalalay kay East pababa ng hagdan.
"I will apologize to him sorry, and promise it won't happen again."
"Tama," masayang sagot niya.
Kagabi ay nakausap na niya ang bata. Hindi sinabi nito ang dahilan bakit nakipag-away. Iniisip niya baka dahil mga bata ay nagkaasaran, at nagkapikunan.
Sa hagdan pa lang ay tinatanaw na ng dalaga ang dining area. Umaga ngayon, walang pasok si East pero ang amo niya mayroon.
Hindi alam ni Selena kung ngingiti ba siya o hindi nang madatnan sa lanai si North katabi si Anna.
"Uncle," mahinang bati ni East.
Napatingin naman doon ang binata. Bago lumipat ang mga mata sa kaniya. Hindi niya maikubli ang lungkot sa imahe niya.
"Hello, East!" bati ni Anna.
"Hi, Miss Anna!"
Pagkaraan nang pagganti n
