Kinabukasan ay maaga pa lang ay nakagayak na si Acutus para sa kaniyang pag-alis. Handa na ang lahat ng kaniyang dadalhin sa kaniyang paglalakbay na siyang alam niyang hindi magiging madali.
Habang nag-aayos ng kaniyang suot na pangyapak ay hindi mawala ang kaba sa kaniyang dibdib lalo pa at hindi siya nakatitiyak sa kaniyang kahaharaping laban.
"Ginoo..."
Napalingon siya sa pintuan nang may tumawag sa kaniya mula roon. Si Amare.
"Ikaw pala, Amare. Anong maitutulong ko?" tanong niya.
"Nais ko sanang dalhin mo ang mapang ito. Nariyan ay nakaguhit ang mga lugar base sa itsura nito at laki." Inabot niya ang mapa at namangha siya ng buklatin niya ito at tingnan.
"Ikaw ang may gawa nito?" tanong niya habang makikita ang pagkagalak sa kaniyang mga mata.
"Oo, Ginoo. Iyan ang talentong nama
