Acutus' POV
Lumipas ang dalawang araw at napagpasyahang huwag nang ituloy ang palaro lalo pa at ilan sa mga mamamayan ng Regia Mundi ay nagpasyang lisanin na ang naturang lugar dahil sa kawalang tiwala sa kanilang pinuno bagay na siya namang layong ikinadamdam ni Vis. Ang mga naiwan naman ay nangakong magiging tapat sa kaniya ngunit hindi sapat iyon para manunbalik ang sigla sa kaniya.
"Kumusta na si Vis?" tanong ko kay Amare. Kalalabas lang nito nang mga oras na iyon sa silid ni Vis at masasabi kong nasa mukha nito ang labis na lungkot.
"Ayos naman siya subalit ayaw niya pa ring kumain magpahanggang ngayon," sabi niya.
"Kakausapin ko siya." Akmang maglalakad na ako papunta sa silid ni Vis nang lumabas ito mula roon habang nakasunod naman rito si Iudex.
"Acutus..." panimula nito.
"Vi
