"Para sa ikalawang laban, Acutus laban kay Fors. SIMULAN NA!"
Isang hudyat sa pagsisimula ng laban sa pagitan ni Acutus at Fors. Kasalukuyan silang nakaposisyon sa gitna ng entablado habang kapwa nakaharap sa isa't isa.
"Kinagagalak kong makaharap ka sa labang ito, Ginoo," sabi ni Fors na siyang ikinatuwa naman ni Acutus.
"Gayundin ako sa iyo, Fors" Ngumiti siya rito at kapagkuwan ay humanda na rin mula sa pag-atake.
Lumipas ang isang minuto na walang ni isa sa kanila ang mas nais na gumalaw. Tila prehas na nag-iisip ng magandang estratehiya para manalo sa labang iyon. Kasabay ng isang malakas na ihip ng hangin ay sabay na sumugod ang dalawa palapit sa isa't isa nang biglang bumagsak sa kanilang harapan mula sa kalangitan ang isang hindi inaasahang bisita. Sabay din silang tumalon paat
