Acutus' POV
Hanggang ngayon ay napapaisip ako kung ano ba ang ibig sabihin ng pag-ilaw ng pulseras ng Iustitia na suot ni Vis. Nababagabag ako na hindi ko mawari kung para saan iyon lalo pa at wala naman akong kaalaman tungkol sa pulseras na iyon maliban sa nagbibigay ito ng dagdag pisikal na lakas sa sinumang magmamay-ari nito.
"Iudex laban kay Pugna..." Itinaas ng tagahatok ang maliit na bandilang hawak niya at saka ito ibinababa bilang hudyat na umpisahan na ang laban. "SIMULAN NA!"
"Sa wakas ay nagkaharap na rin tayo," sabi ni Pugna kay Iudex. Kitang-kita sa mga mata nito ang galit na matagal nitong inipon para sa labang iyon.
"Isa ka ba sa tagahanga ko?" Ngumiti si Iudex na siyang lalong nagpaigting sa galit ni Pugna.
"Kinamumuhian kita!" Mabilis itong tumakbo patungo sa kinatata
