"Sa totoo lang, Ginoong Lux, labis ang aking pagsisisi sa ginawa kong paglayo sa inyo noon. Dinamay ko pa ang aking kapatid sa aking kahunghangan." Tinapik ni Lux ang kaniyang balikat biglang tanda ng kaniyang pagdamay rito. Nais niya man itong sisihin ay hindi niya magawa lalo pa at pakiramdam nito ay pasan-pasan na nito ang mabigat na problema sa pagkawala ng kapatid. "Kung hindi sana kami lumayo noon sa inyo, sana magpahanggang ngayon ay kasama ko pa rin si Cres."
"Hindi mo kailangang sisihin ang iyong sarili, Immitis. Ginawa mo iyon dahil iyon ang inakala mong mas makabubuti sa inyo ni Cres. Wala namang makapagsasabi kung ano ang maaaring mangyari sa hinaharap. Sa ngayon, kailangan na lang muna nating gawin ay manalangin na sana ay maging ligtas siya," paliwanag niya rito para kahit p
