"Bumagsak si Raptum! Bawas dalawang puntos para kay Raptum!" sigaw ng tagahatol. Naroon lang si Acutus at nananatiling nakatayo habang nag-iisip ng kaniyang susunod na gagawin. Hindi niya maitatanggi na malakas ang kaniyang kalaban. Mas mabilis din itong kumilos sa kaniya na siyang ikinalamang nito sa kaniya.
"Hindi ka na muling makakapuntos pa sa akin," sabi nito sa kaniya. "Humanda ka na at ipapakita ko na sa'yo ang isang tunay na laban."
"Nakahanda lang ako," tugon niya at pagkaraan ay nginitian ito.
Maya-maya pa ay pumorma na ito ng pag-atake. Wala pa man itong ginagawa ay batid niya na ang unti-unting pagbabago sa lakas na inilalabas nito kung kaya lalo siyang naghanda. Ilang segundo pa ang lumipas ay pakiramdam ni Acutus ay nanlalabo na ang kaniyang paningin sa hindi malamang dahi
