Acutus' POV
Unang laban pa lang ay kita na ang tagisan ng lakas sa pagitan nina Iudex at Conatus. Ngunit sa kabilang banda ay kita rin ang laki ng agwat sa pagitan ng lakas at kakayahan ng dalawa. Halatang lamang sa laban si Iudex samantalang si Conatus naman ay kumakapit sa estratehiya at matinding determinasyon. Kung tutuusin ay malakas din naman si Conatus. Hindi rin nalalayo ang pangangatawan nito kay Iudex. Maikli ang buhok nito at halatang batak ang katawan sa mga laban.
"Bumagsak si Conatus!" Boses ng tagahatol ang siyang umalingawngaw sa buong lugar. "Bawas dalawang puntos." Nagsimula namang magsigawan ang mga naroon lalo na ang mga kababaihang lubos ang suporta at paghanga kay Iudex.
Kita ko mula sa kinatatayuan ko ang pagsulyap sa akin ni Iudex kasabay ang makahulugang ngiti n
