Acutus' POV
Kasalukuyan akong nasa labas ng aking silid habang pinagmamasdan ang mga pananim na aking inaalagaan. Hindi ko alam pero pakiramdam ko ay parang may nakabara sa dibdib ko. Ilang beses na akong nagpakawala ng buntong-hininga ngunit ganoon pa rin ang patuloy kong nararamdaman sa paglipas ng mga araw. Ilang araw na rin kasi ang nagdaan mula nang marinig ko ang mga katagang iyon na namutawi sa labi ni Vis. Siguro ay hindi lang ako sanay sa klase ng pagtrato niya sa akin nitong mga nagdaang araw. Kinabukasan nang gabing iyon, nagsimula ang pag-ulan dito sa Regia Mundi bagay na hindi ko inakalang mangyayari lalo pa at nasa kalangitan na ang bayang ito ngunit mula nang araw na iyon ay nahinto rin pansamantala ang mga palaro. Ngayon lang tila gumanda ang panahon at malawak na kalangit
