Acutus' POV
"Makinig kayong lahat." Naagaw ang atensyon ng lahat nang magsalita si Iudex sa harap ng mga naroon. "Magkakaroon tayo ng isang palaro."
"Palaro?" tanong ko sa aking sarili. Napakunot ang aking noo dahil sa sinabi nito. Hindi ako nagpunta sa lugar na ito at pumayag na manatili rito para lamang maglaro.
"Eto na ang pinakahihintay ng lahat."
"Oo nga. Tiyak kong si Ginoong Iudex muli ang tatanghaling kampyon."
"Posible iyan pero ngayon ay nais kong pumusta sa dayong tagapagmana raw ng Sugatzu."
"Panigurado ay magiging isang mainit na labanan ang magaganap ngayon."
"Nasasabik na ako sa magiging resulta ng laban."
Iyon ang narinig kong bulung-bulungan ng dalawang nakatayo sa 'di kalayuan sa kinatatayuan ko.
"Ang palaro ay sisimulan bukas pagsibol ng araw," dagdag pa ni Iude
