Hindi napigilan ni Vis ang labis na inis nang tuluyang makapasok sa kaniyang silid.
"Nakakainis!" Hinampas niya ang lamesang naroon dahilan para mahati iyon sa dalawa.
"Lady Vis!"
Napalingon naman si Vis sa lalakeng biglang pumasok sa kaniyang silid. Halos hindi niya napansin ang pagsunod nito dahil sa magkakahalong emosyong kaniyang naramdaman nang mga oras na iyon. Gusto niyang magwala, magalit at umiyak dahil sa labis na pagdaramdam na hindi niya maintindihan kung saan nagmumula.
"Anong ginagawa mo rito?" tanong niya nang hindi ito nililingon. Ayaw niya kasing madamay pa ito sa labis na inis niya sa sarili at sa lalakeng dahilan kung bakit siya nagkakaganoon.
Nagulat na lang siya nang maramdaman ang bisig nito na pumulupot sa kaniya mula sa kaniyang likuran. Halos nanigas siya sa k
