Acutu's POV
Napaawang ang aking bibig nang bigla niya akong itulak at ganoon din siya. Tila hindi siya makapaniwala sa kaniyang ginawa maging ako man ay ganoon din. Sandali pa kaming nakatingin sa isa't isa at walang nagsasalita nang biglang pumasok sa aking silid si Iudex dahilan para mabaling dito ang aming atensyon.
"Iudex!" Kaagad siyang lumapit dito at tinapik ito sa balikat. "Tamang-tama ang dating mo at may nais daw na malaman si Acutus. Ikaw na muna ang bahalang humarap sa kaniya at masyado akong abala ngayong araw."
Nalunok ko ang aking laway sa labis na tensyon ng iwanan niya kaming dalawa ni Iudex lalo pa at wala naman talaga akong kailangan dito. Pilit akong nag-isip ng maaari kong itanong subalit walang kahit na ano ang pumapasok sa aking isipan hanggang sa ito na mismo ang
