Acutus' POV Napaatras ako ng hakbang nang bigla na lang nitong ipinagsigaw ang aking pagdating. "Narito ang tagapagmana ng Sugatzu!" Mabilis na naglabasan ang mga tao mula sa kani-kanilang bahay at may dala-dalang kaniya-kaniyang sandata na maaaring gamitin sa isang labanan. Inikot namin ang aming paningin at masasabi kong napapalibutan na nila kami. "T-teka... wala naman kaming gagawing masama sa inyo," sabi ni Immitis habang nakataas pa ang dalawang kamay bilang tanda ng pagsuko. "Dakpin sila at ikulong," sabi ng matandang lalake kung kaya mabilis na lumapit ang mga residente sa amin upang ibilanggo kagaya ng mga kriminal. Halos hindi ako nakapagsalita sa labis na pagkagulat nang biglang maghagis ng kung anong bagay si Immitis sa gitna ng kumpol ng mga tao dahilan para mabalutan k