Acutus' POV
"Cres! Ano bang nangyayari sa'yo? Tumigil ka na," pagsusumamo ni Immitis. Bakas sa itsura nito ang pagkalito nito sa mga nangyayari lalo pa at alam niyang hindi nanaisin ng kaniyang kapatid na saktang kaming lahat.
"Tumigil?" Ngumiti ito sa harap naming lahat bago tumawa nang malakas. "Nagpapatawa ka ba? Hindi ang isang basurang kagaya mo lang ang siyang makapipigil sa aking paslangin ang tagapagmana ng Sugatzu."
Isang malakas na lindol ang siyang bumalot sa buong lugar. Unti-unting nabitak ang sahig at ang ibang mga bato sa paligid ay nagsimulang lumutang na animo'y sumusunod sa utos ni Cres.
"Cres--" Akmang lalapit sana si Immitis kay Cres ngunit kaagad akong lumapit dito at pinigilan. Lalo pa at alam kong hindi na ang Cres na kilala namin ang nasa aming harapan ngayon.
