Acutus' POV
Nagpatuloy ang aming paglalakbay nang isa pang araw hanggang sa tuluyan na naming marating ang bundok ng Doctrina. Sa unang tingin ay hindi mababanaag ang mismong pasukan sa mismong lugar dahil sa kapal ng ulap na bumabalot sa lugar. Nasa paanan ito ng bundok subalit nasa mataas na lugar ito kaya ganoon na lang ang pagdampi ng mga ulap dito na tila sadyang itinatago ang naturang lugar.
"Mukhang eto na nga ang pasukan base sa nakasulat sa tarangkahan nito," sabi ni Lux sa amin.
Apertio
"Tara na pumasok na tayo," sabi ko naman dahil sa pag-aakalang ganoon lang makakapasok sa loob nito ngunit nagkamali ako. Sinubukan kong buksan ang tarangkahan nito ngunit hindi man lang ito bumubukas kahit na anong gawin kong pagtulak. "Ayaw bumukas."
Kasalukuyan namang nakatingin ang mga ka
