Nitidus POV
Mula ng muling may mamagitan sa amin ni Acutus, pakiramdam ko ay muling bumabalik ang dati niyang pakikitungo sa akin. Nagiging maalaga na ulit siya at maasikaso sa aking kumpara noong unang makita ko sila kasama ang babaeng si Vis.
Noong una ay iniisip ko pa kung saan ko unang nakita si Vis, ngunit paglipas ng mga araw ay doon ko napagtanto na siya ang babaeng kasayaw ni Acutus noon sa kasiyahan sa Misericordia. Kagaya ng dati ay walang pinagbago ang itsura nito ngunit kahit saang anggulo tingnan ay hindi ko pa rin maiaalis ang pagkadisgusto ko rito. Pakiramdam ko ay pilit niyang hinihila palayo sa akin si Acutus bagay na hinding-hindi ko naman mapapayagan lalo pa at si Acutus ay mananatiling akin lang.
Oo, ilang beses na akong nagkasala sa kaniya. Ilang beses na akong nags
