Muli na namang sumapit ang gabi kung kaya kagaya ng una ay nagpasya silang bumaba muna at maghanap ng pansamantalang mapagpapahingahan. "Tingnan n'yo, isang bayan?" Tinuturo pa ni Immitis ang isang bayang napapalibutan ng mga bundok. Kumikinang ang mga lamparang nagsisilbing ilaw sa buong bayan na iyon. Nagpasya silang dumeretso doon para doon na rin makapagpalipas ng gabi. "Acutus, tingnan mo." Nagulat pa si Acutus nang hilahin siya ni Nitidus patungo sa isang tindahang may mga tinitindang discriminale. "Ang ganda ng isang ito." Kinuha pa ni Nitidus ang isa at isinukat sa kaniya. "Bagay ba ang isang ito sa akin?" Kung tutuusin ay alam ni Acutus na halos lahat ng discriminale ay bagay rito kaya nga nagpasya siyang bumili noon para kay Nitidus ngunit nagpasya siyang ibigay na lang sa bab