"Kung nakikita ninyo sa mapa, ang Hiems ay nababalutan ng makapal na nix. Kaya naman hindi ganoon kadali ang pagpunta sa lugar na iyan. Kailangan natin ng makapal na kasuotan para mabuhay tayo sa lugar na iyan," paliwanag ni Lux. "Idagdag pa na ang mismong lugar ay sa itaas ng bundok matatagpuan."
"Saan naman tayo kukuha ng makapal na kasuotan?" tanong ni Immitis.
"Wala tayong pagpipiliin kung hindi ang bumili sa mga residenteng nagtitinda sa paanan ng bundok," sagot naman niya.
"Bakit may mga nagtitinda ng makakapal na kasuotan sa paanan ng bundok?" Nagtataka naman si Vis dahil hindi niya maunawaan kung bakit iyon ginagawa ng mga residente. "Madalas bang dayuhin ang kanilang bayan?"
"Oo. Maraming turista ang dumarayo sa lugar ng Hiems dahil sa isang mahiwagang fons na doon lamang mata
