"Sa wakas nandito na rin tayo," sabi ni Immitis habang namamangha sa bayang may mga kabahayahang gawa sa inukit mula sa makakapal na tipak ng yelo.
"Ginoong Lux?"
Napalingon sila sa kanilang kanan nang marinig nila ang pagtwag nito sa pangalan ni Lux.
"Cras?"
"Ikaw nga, Ginoong Lux." Kaagad itong lumapit kay Lux at binigyan ng isang mahigpit na yakap habang sina Acutus at Immitis naman ay nagtataka kung sino ang Cras na iyon.
"Acutus, Immitis, si Cras pala. Isa siyang magaling na vates." Pagpapakilala nito sa isa't isa.
"Kung wala kayong matutuluyan ay maaari kayong tumuloy sa aming tahanan." Ngumiti pa ito ng ubod nang tamis habang nakahawak sa kamay ni Lux. Dahil doon ay hindi maiwasan ni Immitis ang pagngiwi dahil sa nakikita. Pakiramdam niya kasi ay may pagnanasa ito sa kaibigan
