Nitidus' POV
"Acutus, tingnan mo." Suot ko sa aking leeg ang isang kwintas na yari sa mga iba't ibang uri ng batong natagpuan ko sa oasis. "Maganda ba?"
"Oo naman. Lahat naman yata ay bagay sa iyo," sabi niya sa akin. "Ikaw ba ang gumawa niyan?"
"Oo. Sana pagdating ng araw ay magkaroon ako ng isang kwintas na masasabi kong akin."
Kitang-kita ko ang kaniyang ngiti na hinding-hindi ko ipagpapalit sa kahit na anong bagay.
***
"Nagpunta ako rito para iligtas ka tapos sasabihin mo sa aking hindi ka sasama? Nagpapatawa ka ba?" Kita ko ang pait sa mga mata ni Acutus nang araw na tumanggi akong sumama sa kaniya. Mas pinili kong manatili sa angkang aking pinagmulan dahil sa pag-aakalang iyon ang tama.
"Walang dahilan para sumama pa ako sa'yo, Acutus. Eto ang angkang pinagmulan ko. Ang ang
