"البارت الرابع "
1930 Words
اتمنى البارت يعجبكم
روايه ( حب ابدى ) البارت الرابع
بقلم✍️ملك فريد لطفى .
ادم / بص يا سيدى طبعا انت عارف انى بروح الصبح العياده وخرجت اقول اقول لى السكرتير فاضل كام واحد ومره واحده لقيت واحده فضلت تقول انا تعبانه اووى انا عايزه ادخل فا انا قولتلها طب استاذنى وادخلى وبعد ما الكل وافق أنها تدخل الممرضه طبعا جهزتها علشان اكشف عاليها لقيتها ياعم مره واحده فضلت تقولى ايه قله الادب دى وانا طبعا واقف مصدوم ومش عارف اعمل ايه قامت السكرتيره قايله مدام انتى عند دكتور قلب محترم وماينفعش كده حضرتك قامت الست لاء انا عايزه دكتور اسنان أنا اسفه وخرجت
معاذ / هههههههههههه مش قادر الله يسمحك هموووت يخرب عاقلك بعد مافضحتك تقولك عايزه دكتور اسنان
ادم / بتضحك على احزانى الصحاب ماتو ايام الحرب
معاذ / ياعم اقعد وانت مخلى راسنا فى الطين
ادم / ماشى يا معاذ
معاذ لقى موبيله بيرن
معاذ / الو يا زياد ايه خلصت المهمه
زياد / اه ياعم خلصت الحمد الله عدت على خير
معاذ / عارف مين قاعد معايا
زياد / ادم هو فى غيره اديهولى اسلم عاليه
معاذ / خود اهو معاك
ادم / ايه يابشا مش ناوى تيجى تقعد معانا ونتعرف
زياد / طب ما تيجى انت وتغير جو
ادم / مش هينفع خالص عندى شغل قد كده ده انا ممكن فى اى لحظه يتصلو عاليا تعالى فى مريض بيموت وطبعا واجب عليا اروح لانى انا إلى مسئول عنه
زياد / شغالتنا احنا الاتنين قريبه لبعض انا برضو ممكن يصحونى تعالى فى مهمه كذا وكذا واضطر انى اروح
ادم / ربنا يقوينا والله
زياد / يارب
معاذ / ادم افتح الاسبيكر
ادم فتح الاسبيكر
معاذ / زياد تعالى أما اضحك شويه على ادم اكيد انت ق*فان تعالى أما اضحك شويه
ادم / فضحتنى يابنى انا غلطان انى قولت اضحكك شويه
زياد/ ايوه يلا ضحكتى يلا سيبك من ادم وقول
معاذ / بص ياعم الواد معاذ كان خارج يشوف فاضل كتير من إلى قاعدين فى الانتظار فى العياده مره واحده لقى ست بتقوله انا تعبانه ومش قادره فا راح ادم بحس نيه طب استاذنى من إلى قاعدين وادخلى والكل وافق أنها تدخل الممرضه بتاعت ادم فضلت تجهزها وبعدين ادم راح يكشف عاليها راحت فضلت تزعق جامد وتقوله انت قليل الادب ومش محترم ومعاذ كان واقف مصدوم ياعينى الممرضه فضلت تقولها عيب كده حضرتك انتى عند دكتور قلب محترم وفى الاخر الست تقول انا اصلا عايزه دكتور اسنان وقالت أنا اسفه ومشيت
زياد / ينهار ابيض ،????????ايه الإحراج ده مش عارف اقول ايه غير انك تلحقونى قبل ما اموت من الضحك ???????
ادم / بجد مش عارف اقولكم ايه بجد
زياد / طب هقفل علشان ورايا مهمه تانيه
ادم ومعاذ / ترجعلنا بسلامه يارب سلام
زياد / سلام .....
.....................................................................
خالد فعلا بدء هو و محمود في تأسيس الشركه.
محمود/ انا متشكر لحضرتك لانك خلتني احقق حلمي الي كنت بتمناه ومش عارف احققه منين.
خالد/ انا الي بشكرك انت كأنك كنت عارف انا بفكر في ايه ومجهزلي الدرسات للمشروع.
خالد/ انا اخترت شقه نعملها مكتب في مكان محترم هي صغيره بس حاجه نبدأ بيها وسيب عليا فرشها والد*كورات واختيار الموظفين
محمود / طب كويس نبقى نحدد يوم نروح نشوفها
خالد / فى اى وقت حضرتك تختاره .....
أميره بدأت تتعافي وتخرج تروح شغله من تاني واستقبلها زميلها بحب.
حنان/ كده ياميره تخضينا عليكي ياحبيبتي انت وقعتي قلبي في رجليه.
مستر حسام المشرف بتاعها
حمد الله علي سلامتك يا اميره الشغل اتقصر بغيابك اوي ياريت تعوضي الايام بتاعت غيابك في الشغل حتي لو هتاخدي الشغل بتاعك تكلميه في البيت.
خرج حسام من المكتب.
حنان/ ياساتر على الرخامه بدل مايقلق عاليكى انك استعجلتي ونزلتى الشغل ويقولك ماتتعبيش نفسك في الشغل المفروض يقولك عوضي ايام غيابك .
ماتقلقيش انا هساعدك في تخليص شغلك حتي لو هقعد معاكي بعد الشغل.
أميره/ ماتقلقيش عليا انتى عارفه انا مابتعبش من الشغل بس بيفرق معايا المعامله ومستر حسام معندوش في الشغل حاجه اسمها ظروف اومرض ودي الحاجه الوحيده الي مضيقاني في الشغل معاه.
اميره/ انا بفكر اشوف شغل من البيت بدل ماحد زي مستر حسام بيتحكم فينا بالمنظر ده.
حنان/ والله فكره بس نفذي وانت في الشغل لحسن الموضوع مايمشيش ماتخسريس شغلك.
أميره / والله عندك حق انا هبدأ اخلي ريماس وتاليه يعمللوا صفحه علي النت الاول ولو في اقبال علي منتجاتي ولو الدنيا مشيت معايا اسيبه.
حنان/ بس انت هتعملي شغل ايه.
اميره / انت عارفه اني بعمل حلويات زي المحلات بالظبط وبعمل شغل يدوي بالصوف كمان وعمل شغل لريماس وتاليه وكله مصوراه والبنات لبسينه.
حنان / الله عليكي واعملي جروب لزميلانا في الشغل وتسوقي لنفسك كمان وانت في شغلك
خالد / انا يامحمود مش مصدق نفسي اخيرا الحلم بتاعنا اتحقق والشركه بدا شغلنا فيها يبان بس احنا نسينا نجيب سكرتيره
محمود ومشي اي سكرتيره عاوزين سكرتيره حسناء وعندها خبره ومعاها لغه ههههههههههههه
خالد/ انت هتودينا في داهيه من اولها ههههههههههههه.
محمود/ لاء ياعم متقلقش خالي قلبك جامد.
خالد/ اصلك مش عارف مراتي هتوديني ورا الشمس.
طبب ايه رايك نعمل موقع علي النت للشركه ونطلب من خلاله السكرتيره.
محمود /الله عليك فكره حلوه اوي ونعرض اعملنا كمان علي الصفحة بتاعت الشركه اول بأول.
يلا نروح وبكره ان شاء الله هتلقيلنا صفحه علي الفيس وهتلاقي الطلب بتاع السكرتيره كمان.
خالد روح البيت.
خالد السلام عليكم.
هاله /حبيبي حمد الله على السلامة ايه جاي بدري يعني
خالد/ والله ياهاله محمود ده عبقري مش مخليني الحق الحق افكر في حاجه بيبقي مجهزها قبل مااطلبها شاب طموح قوي بجد انا ربنا بيحبني انه بعتلي الشاب ده يقف جنبي.
هاله/ انت طيب يا خالد وبتقف جنب الغريب والقريب علشان كده ربنا بعتهولك.
خالد /ياهاله انا عاوز اطمن عليكي انت وتاليه واموت وانا مرتاح اني مأمن لكم مستقبلكم انت شايفه اني اخويا جمال مابيسألش علي حد حتي بنت احمد مابيسألش عليها وهو عارف انهم محتاجين راجل معاهم رامي حملهم عليا وانت عاوز اطمن علي ريماس هي كمان لغايت مطمن عليها واجوزها هي وتاليه.
هاله/ ايه لزمته الكلام ده بقي انت بتحب توجع قلبي عليك ليه انا عاوزه افرح بأفتتاح الشركه ايه الي جاب سيرت جمال ماانت عارفه طول عمره براوي ومابيحبش غير نفسه حتي ساعات
بحس انه حارم ابنه من حنيه عليا حاسس ان الفلوس الي بتشتري السعاده والحب احنا كفايه علينا حنيتك وحبك ليه ولبنتك ولمتنا حواليك.
هاله /بقولك مش اميره بتفكر تعمل شغل من البيت.
خالد /ازاي يعني.
هاله /شوفت شغل الكروشيه الي بتشتغله والحاجات الي عملاها للبنات.
خالد/ اه بس هيبقي تعب عليها.
هاله/ هي هتبدا جنب شغلها ولو الموضوع مشي معاها ماعادتش تروح الشغل تاني والبنات هيعملولها صفحه علي الفيس وكلنا نضيف لها اصحبنا وحبايبنا وتترحم من النزول كل يوم للشغل.
خالد ربنا يوفقها امال فين تاليه البيت هادي يعني
هاله/ مشغوله مع ريماس في عمايل الصفحه بتاعت النت لاميره هجهز الغدا وأنديها.
خالد ايه رايك انت كمان تساعدي أميره
هاله /ازاي يعني
خالد/ تجهزلها الخامات وتحضريلها الاوردرات ايه رايك.
هاله/ والله لو أميره احتاجتني في أي حاجه هقف معاها أكيد.
انت عارف أننا اكتر من الاخوات من قبل مانتجوزكوا انت واخوك .
هو مافيش اخبار عن معاذ هو مابيسألش خالص والله وحشني اوي الواد زمانه بقي شاب أطول مني .
خالد /الله يسامحه جمال اخويا قطعه مننا ولا كأنه له أهل .
هاله/ ايه رأيك احنا نتصل عليه نكلمه.
خالد/ والله فكره تعالي نكلمه فايبر اوماسنجر انا فعلا عاوز اسمع صوته الواد ده وحشني اوي .
كان زمانه وسطينا ومتربي مع اخواته البنات الله يسمحه جمال اخويا .
ايه الدوشه دي .......
هاله يعني مش عارف دي بنتك الشقيه تاليه .
خالد اهلا بحبيبت بابا وحشني هاتيلي حضن .
تاليه حبيبي يابابا وحشني .
خالد ياسلام ماانت مشغوله عليا ومابتسأليش خالص وقاعده مع ريماس علي طول .
تاليه حبيبي يابابا والله يابذاكر انا وريماس يااما قاعده مع طنط بنصور شغلها وبنعرضه علي النت .
عارف يابابا دي طنط أميره شغلها جنان كل الي بيشوفه مابيصدقش أنه هاند ميد .
خالد والله ربنا يوفقها ومش عاوزك تنشغلوا عن مذكرتكوا انت وريماس علشان دي اخر سنه لكم في الثانويه.
هاله يلا ياحبايبي الغدا جاهز ولا لسه بتتكلموا
خالد لا انا جعان يلا ياتاليه بسرعه امك شكلها هترجع في كلامها .
تاليه /يلا يا حبيبي .
وهما قاعدين بيتغدوا
هاله/ تاليه بعد الغدا اعملي طنط بشاميل وحطي عليه حتتين بانيه ونزليهم لريماس .
خالد عندي ليكي مفاجأه ياهاله.
هاله/ خير ياحبيبي .
خالد /احنا خلصنا فرش الشركه وفاضلنا بس عاوزين سكرتيره ونحدد معاد الافتتاح.
هاله/ بجد ياحبيبي الف مبروووك ياحبيبي .
تاليه/ الف مبروووك يابابا ربنا يف*جها عليك يا حبيبي وتبقي اكبر شركة في مصر .
خالد /ايه رأيك نكلم معاذ بعد الغدا ياهاله واقوله على الشركه بتاعت عمه أفرحه .
تاليه /ايه يابابا معاذ .....معاذ مين هه.
خالد/ معاذ ابن عمك انت نسيته ولا ايه ده انت مالكيش غيره .
تاليه /قلبها دق اول ماسمعت أسمه ومش مصدقه أن باباها بيتكلم عن معاذ حبيبها
خالد /انت يابنت انت روحتي فين .
تاليه/ انت والله فجأتني يابابا انا كنت فكراك نسيت عمو جمال اصلا .
هاله /هو في حد ينسي اخوه ياحبيبتى.
تعالوا يلا نقعد في البلكونه وأتصلوا عليه لغايت معملك ياحبيبي القهوه .
خالد/ يلا بينا جاب الموبيل .
جاب الاكونت بتاعه على الفيس بوك وكلمه علي الماسنجر التليفون بيرن انا والله ياهاله قلبي بيدق يارب يرد
تاليه في نفسها ياه يا معاذ انت مابتحاولش تدخل تكلمني ليه هو انت فعلا نسيتني ونسيت كلامك ليه ولاايه
خالد / الو ايوه ياحبيبي ازيك .
في اللحظه دي تاليه قلبها بيدق جامد ياترا فكرني ولا ايه ميت فكره جت في دماغها امال مابيسألش ليه .
خالد / ايه ياحبيبي انت عارفني ولا نسيت عمك يامعاذ .
معاذ/ حبيبي ياعمو خالد والله وحشتنى انا مش مصدق نفسي ودموعه بتنزل .
خالد / معاذ انت بتعيط ياحبيبي لاء خلاص ماتعيطيش انا كنت عاوز اسمع صوتك على طول وتسأل عليه وعلي ولاد عمك انت الي ليهم من بعدي
معاذ / حبيبي ياعمي انا بتحرج أكلمك والله لحسن أشغلك أنا أسف والله طنط هاله عامله ايه .
خالد/ خد هاله معاك أهو
تاليه عينها جابت دموع ده مسألش عليا هو نسيني فعلا زي ماريماس قالت امال مسألش عليه ليه .
هاله/ حبيبي يا معاذ كده ياحبيبي ماتسألش على أمك أنت وحشني اوي ابقي طمني عليك مش هتنزل مصر قريب .
معاذ/ والله وانتم كمان وحشني يارب ياطنط بابا مش راضي ينزل مصر انتوا وحشتوني اوي كلكم وتاليه عامله ايه كبرت ولا لسه صغنونه .
هاله/اكيد كبرت خد تاليه اهى كلمها بنفسك .
تاليه روحها ردت لها لما سأل عنها .
تاليه/ الو ازيك يامعاذ اخبارك ايه
معاذ / تاليه وحشاني ياشقيه انت لسه شقيه زي ما انت .
تاليه /ياسلام ياخويا انا علي طول هاديه وكيوت .
معاذ/ اه ماهو واضح اهه. شكلك لسه شقيه زي ماانت وقوليلي طنط أميره عامله ايه وريماس .
تاليه/ ماهو انت لو بتسأل كنت عرفت .
معاذ /يعني اسال مش هتضيقي لو كلمتك أطمن عليكي .
تاليه/ هزعل انت ناسي انك ابن عمي الكبير ولا ايه .
معاذ/ برقه لا مش ناسي ولاعمري هنسه.
تاليه / طيب يلا سلام وقلبها بيرقص من الفرحه.
معاذ / سلام سلام .
معاذ فى سره سلام يا أغلي واحده في حياتي .....بااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الخامس وشكرا لكل واحد شجعنى دومتم سالمين .??
يتبع بقلم #ملك_فريد
- Writer
