"البارت الثالث"
1801 Words
اتمنى البارت يعجبكم
روايه ( حب ابدى ) البارت التالت
بقلم✍️ملك فريد لطفى
خالد / طب يلا بينا جايبلك حته فكره هتعجبك جدا
محمود / اشجينى
خالد ومحمود قعدو فى الكافيه
خالد/ ايه رايك انا وانت عندنا خبره كافيه نفتح مكتب لينا خاص بينا واظن أننا عندنا الخبره الكفايه للموضوع ده وانت أقرب واحد ليه هنا في الشغل اقدر اشاركه أفكاري واستأمنه عليها ونبقي أيد واحدة.
محمود/بجد انا الموضوع ده شاغل دماغي من فتره فعلاً انت كأنك بتقرا أفكاري انا فعلا كان نفسى أعمل حاجه ليه خاصه حاجه لاولادي بس الفلوس هي الي واقفه معايا.
وكمان عندي كذا مشروع ومجهزلهم دراسه جدوي كافيه ليهم .
وان شاء هجبلك الورق ندرسه انا وانت .
خالد /انا مبسوط انك متحمس كده وكنت متاكد اني اقدر أعتمد عليك .
وانا نبدأ ادور علي مقر جديد للشركه بتاعتنا .
محمود/خلاص تمام وانا هرتب أفكاري واجهزلك الورق واجي أقابل حضرتك تحب أجيلك البيت ولا نتقابل بعد الشغل زي انهارده .
خالد /خلاص تمام نتقابل عندي الساعه ٨بالليل .
محمود/ تمام استأذن حضرتك ونتقابل بالليل.
روح خالد من الشغل وقبل مايطلع سمع صوت هاله وتاليه عند اميره /خبط عليهم وض*ب الجرس .
ريماس/ ايوه حاضر ثانيه واحده .
خالد// انا مستني أهو..
ريماس /عمو خالد وحضنته ازيك ياعمو .
خالد/ حبيبتى ده كله مزنبني على الباب .
تاليه طلعت علي صوت باباها .
تاليه/ حبيبي يابابا حمدالله على السلامه .
تعالا ماما جوه مع طنط أميره.
خالد/ طيب ادخلي عرفيهم اني داخل ماينفعش أدخل كده علي طول.
ريماس اتفضل ياعمو ماما لبست .
أميره /بصوت منخفض ادخل ياخالد قوليله ياهاله يدخل مايت**فش .
هاله/ تعالا ياحبيبي حمدالله علي السلامه .
خالد/ السلام عليكم ازيكم عاملين ايه عامله ايه يا اميره انهارده.
اميره /الحمد لله والله أحسن بكتير .
خالد/ كده يا اميره عاوزه تخضينا عليكي.
وقعد معاهم شويه وبعدين خالد لهاله .
خالد /ايه ياهانم مش هتغدينا ولا ايه و*ديني أميره ولا مجوعاها معاكي .
هاله /انا اقدر اتغديت من بدري ويلا انت كمان علشان اغد*كوا يلا ياريماس اطلعي اتغدي معانا .
ريماس/ انا هاكل هنا علشان ماسيبش ماما .
خالد/ يلا يا انسه انت على طول مغلباني كده .
ينفع يااميره تاكل لوحدها وبيت عمها مفتوح .
أميره/ اطلعي مع عمك ياريماس ماتاكليش لوحدك .
هاله هغديهم وانزلك على طول سلام .
تاليه/ لريماس يلا يارخمه انت لازم ترخمي كل مره كده .
ماانا بنزل اخلص عندكم الاكل كله .
ريماس / خلاص ماانا طالعه اهو
طلعوا اتغدوا وريماس وتاليه نزلوا تحت علشان أميره ماتقعدش لوحدها .
خالد/ اعمليلي قهوه ياحبيبتي هشربها واحاول انام ساعه علشان محمود هيجي يقعد معايا بالليل .
هاله / انت كلمته .
خالد/ كلمته ومرحب جدا بالموضوع ومجهز دراسه جدوي وعنده كذا فكره المشروع.
هاله ربنا يوفقكم .تبتدوا بدايه صح الصح يارب .
خالد ندخل انام تعالى ناميلك شويه معايا ادام تاليه تحت .
هاله/ لا ماينفعش هخلص حبه شغل في البيت لحسن مالحقتش اعمل حاجه انهارده قاعده مع اميره من الصبح.
خالد /خلاص تمام انا داخل وصحيني الساعه ٧.
هاله/ ماشى ياحبيبى لا تقلق
هاله دخلت المطبخ فضلت تروقه و روقت الشقه
الساعه ٧
هاله دخلت تصحى خالد
هاله / خالد اصحى يلا واتصل بى محمود شوفه فين
خالد هه حاضر هقوم اهوه هو محمود مكلكمنيش .
هاله / قوم اتصل بيه انت .
خالد/ تمام .
وهما بيتكلموا التليفون رن .
خالد/ الو ازيك يا محمود انت فين انا في انتظارك
محمود / انا فى طريق اهو يا
خلاص / تمام يا هندسه .
هاله / ايه في ايه قالك ايه .
خالد / جاي في الطريق انت بس اعمللنا القهوه ولو عاوزه تنزلي لأميره ابقي انزلي ولو احتاجنا حاجه هرن عليكي تطلعي .
وفعلا هما بيتكلموا لقوا جرس الباب بيرن .
خالد /خاليكى ياهاله انا هفتح وأستقبله .
هاله / ماشى ياحبيبى ربنا يوفقك
خالد راح يفتح الباب
خالد / اهلا وسهلا ياحبيبي اتفضل تعالى نقعد فى الصالون
محمود / ماشى
ودخلوا الصالون ومحمود كان مجهز الورق معاه كله .
قاعدوا يتناقشوا في المشروع ومحمود كان عامل جميع التفاصيل بكل دقه وكان خالد منبهر بيه وبتفكيره لانه شاب طموح وناجح .
وفي. نفس الوقت كانت هاله قاعده مع أميره وكانت بتحاول توقفها على رجلها وتمشيها .
أميره/ انا تعبتك والله ياهاله اختي ماكنتش هتعمل معايا كده .
هاله /!أخص عليكي يعني انا مش اختك .
ده احنا عشنا مع بعض أكتر ماعشنا في بيت اهلنا فكره ياأميره حماتك والي كانت بتعمله فينا .
أميره / هههههه فاكره دي طلعت عينا ولا أختهم القرشانه حرام عليكى مش قادره اضحك الجرح هيموتني .
هاله/, فاكره لما كانت عاوزه تجوزك لخالد أو لجمال هههههههههههه.
أميره /منها لله كأنها يعني اشترتني ده يموت تجوزني لاي حد من عيلها هو أنا سلعه في نظرها ياهاله دي دبحتني بكلمها ياهاله .
هاله/ انا أسفه انا والله قصده أضحك علي الايام الحلوه الي عشناها مع بعض أخوات وأصدقاء ياحبيبتي .
تاليه / دخلت عليهم لقت أميره بتعيطت
تاليه/ بالهفه مالك ياطنط بتعيطى ليه .
سمعتها ريماس جت جري علي مامتها
ريماس /مالك ياماما فيكى ايه انت تعبانه اجبلك مسكن ياحبيبتى.
هاله/ ايه يابنات ماانتوا عارفين أن ماما تعبانه والجرح ادام بيوجعها يبقي بداء يلم ياحبايبي انا هجيب لها حقنه مسكن.
فعلا هاله دخلت أميره أوضتها
هاله /حبيبتي كفايه عليكي كده وأدخلك أوضتك علشان ترتاحى أظنها
أدتها حقنه المسكن ودخلتها في سريرها وقالتلها انا هطلع علشان خالد وهنزلك الصبح ياحبيبتى.
اميره / ماشى ياقلبى معلش تعباكى معايا
هاله / مفيش تعب خالص انتى عارفه انا بحبك قد ايه
يلا ياتاليه علشان تنامي علشان المدرسه
ريماس/ سيبيها ياطنط تنام معايا والله هنذاكر بدل مااقعد لوحدي .
هاله/ خلاص ماشى تصبحوا على خير .
طلعت لقت خالد قاعد وسط الورق الي ادهوله محمود بيذاكره ويفكر هيبدأوا منين والموضوع هيبقي محتاج فلوس كتير .
هاله / ايه ياحبيبي سرحان كده له .
خالد/ الموضوع كبير اوي وانا نفسي أكمل مافيش حاجه تعطلني ولا توقفني .
هاله / ماتقلقش أن شاء الله ربنا هيقف معاك انت نيتك خير يا حبيبي.
خالد/ يارب ياحبيبتي أدخلي نامي انت وانا هشتغل شويه.
هاله/ خلاص ياحبيبي انا قعده بره لوأحتجت اي حاجه يا حبيبي انده عاليا مش عايزنى اعملك حاجه قبل ما انام اعملك شاى
خالد / خلاص ماشى اعملى شاى
راحت هاله عملت الشاى
هاله / احلى كوبايه شاى لى احلى مهندس فى الدنيا
خالد / تسلم ايدك ياحبيبتى تعبتك معايا
هاله / انت تؤمر بس يلا هروح انام
خالد / تصبحى على خير
هاله / وانت من اهل الخير يا حبيبى
عند ريماس وتاليه
ريماس وتاليه قاعدين بيذاكرو وأميره نامت
تاليه/ تفتكري ياريماس معاذ بيفكر فيه زي ماانا ما بفكرش في حاجه غير فيه.
ريماس/ يابنتى ارحميني بقي ده أكيد عايش حياته ونسي كل حاجه بينكم .
تاليه / حرام عليكى أكيد بيفكر فيا زي ماأنا بفكر فيه.
ريماس/ يعني هو في الجامعه وصاحبش بنات ولا حتي ماحبش بنت غيرك ازاي بقي طيب الوقت الي فات ده كله وعمره مافكر يكلمك واحنا دلوقت العالم مفتوح يعني يقدر يكلمك في أي وقت.
تاليه /انت بتخليني أيأس سيبني بالامل الي أنا عايشه بيه.
ريماس / انتى لازم تكونى متوقعه اى حاجه علشان متتوجعيش بعد كده
تاليه / مش هعرف هتعب اووى
ريماس / طب نامى يلا علشان ورانا مدرسه الصبح عارفه احلى حاجه أنهم عملوا امتحان علشان نراجع المواد من الاول
تاليه / ايوه فعلا يلا تصبحى على خير ياقلبى
ريماس / وانتى من أهل الخير .
............................................................
تعالو يلا نتكلم شويه عن معاذ متنسوش انو بطل القصه
معاذ / بابا انا بقالى يومين عايز اكلمك ومش عارف على طول بالقيك فى الشغل
جمال / طب تعالى نطلع عندى فى المكتب
معاذ/ طيب يلا
طلعو المكتب
جمال / ها بقى كنت عايز ايه
معاذ / يابابا انا زهقت انا عايز انزل مصر مش عايز اقعد هنا
جمال/ وهتسيب صحابك وجامعتك يعنى مش فاهم
معاذ / يابابا انا المفروض انزل اشوف عمى انا من ساعت ما عمي أحمد مات جيت هنا فين وفين لما نكلمه انا نفسى اقعد معاهم واحس أن ليا عيله
جمال / معاذ انت عارف ان الموضوع ده مرفوض تماما
معاذ / ليه بس يابا مش المفروض ننزل حتي اجازه وسط أهلنا انا عايش وحيد يابابا .
جمال/اقفل الموضوع ده لوسمحت انت مش عارف اني لونزلت مصر يبقي بخسر شغلي .
معاذ/ خلاص يابابا بس انا مابقتش مستحمله الغربه اكتر من كده.
معاذ نزل وهو متعصب جدا ومسك التليفون يتصل بى زياد زى كل يوم.
اعرفكم عن زياد ومعاذ هما كانو أصحاب من وهما فى إعدادى والى بعدهم عن بعض سبب أن معاذ سافر الكويت وزياد فضل فى مصر وعلى طول بيكلمو بعض على النت يومياً وهو الي مصبر معاذ علي وحدته في الغربه .
معاذ / الو يا زياد فينك دلوقت
زياد / والله يابنى فى المعسكر بنظبط نفسنا علشان طالعين مهمه ولازم ننجح فيها هنعمل مشروع حرب ادعيلي .
معاذ / يعنى مش هنعرف نتكلم شويه
زياد / للاسف لاء طب اول ما ارجع هرن عاليك ونتكلم زى كل يوم ماشى .
معاذ / تمام يارب ترجعلنا بسلامه طمني عليك اول مانرجع.
معاذ / اللهم امين سلام دلوقت علشان احنا ماشين حالا
زياد / سلام
قفل زياد مع معاذ ولقى آدم اتصل عاليه
معاذ / الو يا آدم
ادم / ايه يابنى فينك متصلتش عاليا من الصبح
معاذ/ معلش مخنوق شويه
ادم / طب تحب أجيلك
معاذ / لاء تعالى نتقابل بره البيت
ادم / طب يلا
معاذ خرج علشان يقابل ادم
ادم / قولى بقى مالك مدايق ليه
معاذ / عايز انزل مصر زهقت نفسى اشوف عمى وازور بلدى
ادم / طب ماتكلم عمو
معاذ / زى كل مره مش موافق انت عارف انى بحب من زمان بنت عمى نفسى انزل اشوفها واطمن عاليها ومش عايز ابعد عنها نهائى
ادم / ياه انت لسه بتحبها انا افتكرتها فتره وهتنسى
معاذ / انا حبى ليها كل يوم بيزيد عارف انا لسه فاكر لما كنا بنلعب سكه حديد قدام البيت وخلاويص ونقعد نجرى وراه بعض ولما كنا بنلعب ملاكمه ونقول إلى يوقع التانى هو إلى هي**ب ولما كنت بكون مدايق كانت بتيجى تقعد جمبى وتهدينى وحشتنى الايام دى اووى واصعب احساس حسيته لما بابا جابلى سيرت انى مسافر بره طبعا فى الاول كنت فرحان هركب طياره وهقعد بره مصر وتتكون الحياه ممتعه بس للاسف ملقتش اى حاجه ممتعه انا زهقت من الوحده انا ديما بقعد لوحدى وطبعا بابا بيرجع الساعه عشره بليل يدخل ينام وبصحة الفجر علشان الشغل وانا اروح الجامعه يعتبر مش بشوفه خالص.
ادم / حاول تتكلم معاه بالراحه تانى انا حاسس بيك والله اه انت لو نزلت مصر هفتقدك بس طالما انت هتكون مبسوط انا هكون كويس ويمكن انزل معاك واتعرف على زياد واجوزك انت و تاليه واخلص منك ? فك بقا واضحك كده الحياه حلوه طب تعالى
انت ليه مابتحاولش تتواصل معاها علي الشات .
معاذ /بخاف اضايق عمي اوأشغلها عن مستقبلها وانا دلوقتي مش في أيدي أي حكم علي نفسي .
ادم /طيب ماتضايقش نفسك تعالا نتنمر شويه انت عارف انى دكتور قلب تعالى هحكيلك علي الشخصيات الي بقا**ها طول اليوم في المستشفى هتضحك للصبح .
معاذ / ايه إلى حصل معاك انهارده احكيلي .
ادم / بص يا سيدى المفروض .........بااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الرابع وشكرا لكل واحد شجعنى دومتم سالمين .??
يتبع بقلم #ملك_فريد
- Writer
