"البارت الثانى "
1884 Words
اتمنى البارت يعجبكم
روايه ( حب ابدى ) البارت التانى
بقلم✍️ملك فريد لطفى
.............................................
نزلوا كلهم بسرعه هاله كانت قلقانه جدا عليها
هاله سرحت
هاله وأميره أصدقاء جدا من قبل مايتجوزوا واكتر من الاخوات وأنهم اتجوزوا اخين قربهم من بعض أكتر ، لكن أميره مالحقتش تتهني بجوزها مات في عز شبابه في حادثه في شغله كان شغال في مصنع الحديد والصلب .....
خالد/ يلا وصلنا
هاله/ فاقت في سرها ياه انا سرحت في الطريق كله
هاله /يلا ياحبيبي .
طلعوا كلهم بسرعه سألوا عن أميره في الاستقبال بتاع المستشفى
الممرضه / الاوضه رقم ١٢٣
خالد / شكرا لى حضرتك
طلعو كلهم دخلوا الأوضه إلى فيها أميره .
ريماس/ بعياط كده ياماما تقلقينى عاليكى وفضلت تعيط
أميره كانت تعبانه اوي ومش قادره تتكلم
مدام حنان/ والله يابنتي امك خضتنا كلنا وكله حاجه جت فجأه انا من المفاجأة معرفتش اتصرف غير انى انا وزميلنا في الشغل نجبها علي المستشفى علي طول .
خالد/ كفايه بقى عياط انتى بتعيطى من واحنا فى البيت ماما اخر وكويسه بطلى بقى عياط الحمد الله اميره قامت لنا بسلامه
هاله /تعالي ياريماس بطلي عياط ياحبيبتى علشان ماما ماتتعبش اكتر من الي هي فيه شيفاه مش قادره تتكلم ازاي ....
تاليه/ سلمتك ياطنط أميره الف سلامه عليكي
اميره طبعا مش قادره تتكلم ودموعها نازله من الالم الي هي فيه حضنتها هاله .
هاله/ ماتقلقيش ياحبيبتى ريماس بس قلقت عليكي وان شاء الله هتقوملها بألف سلامة ومسحتلها دموعها ...
الدكتور دخل ....
الممرضه/ لو سمحت ممكن تطلعوا بره لغايت ماالدكتور يطمن علي المريضه .
هاله /طيب ممكن اكون معاها انا اختها .
الممرضه/ تمام واحده بس .
كشف الدكتور عليها لأميره انت باطله حمدالله علي السلامه احنا لحقناكي قبل ماالزايده تنفجر .
هاله /ياساتر يارب .
الدكتور/ اختك حموله اوي جايلنا وهي في المرحلة الأخيرة من الوجع والحمد الله لحقنها في اخر لحظه .
هاله /بعياط ليه يا اميره بتتحملي علي نفسك كده انت حموله انا عارفه بس مش للدرجادي
الدكتور كشف علي أميره وأطمن علي الجرح وكتبلها الادويه بتاعتها وقالهم لازم تبات معانا علشان تفضل تحت الملاحظه .
أميره /بصوت بسيط لا انا عاوزه اروح علشان بنتي مش عاوزها تبات من غيري .
الدكتور /مافيش خروج غير لما نطمن عليكي.
هاله/ برده بتعاندي علي ايه بنتك هتبات مع خالد وتاليه وانا هبات معاكى ماتقلقيش عليها .
خالد واقف بره اول ماالدكتور خرج
خالد /خير يادكتور لوسمحت طمني علي مدام أميره
الدكتور / والله المدام بخير والعملية كويسه بس لازم تبات علشان نطمن عليها أكتر .
خالد / تمام يا دكتور مافيش مشكله .
البنات دخلوا كانت أميره بتتألم من الجرح والممرضيه معاها في الاوضه لسه .
ريماس / مالك ياماما .
الممرضه /ماتقلقيش ياحبيبتى ماما هتبقي كويسه انا هحطلها مسكن في المحاليل وهتنام مش هتحس بألم تاني .
الممرضه لهاله / خالي بالك من المحلول يامدام وانا هدخلكم تانى ولوفي اي حاجه انا قاعده بره مش هبعد عنكم .
هاله /تمام انا بعرف اقفله لو خلص ماتقلقيش.
خالد/ لهاله بقولك ياهاله زميلت أميره قاعده بره قوللها تروح كفايه عليها كده كتر خيرها .
هاله /حاضر صحيح احنا نسيناها قاعده بره .
خرجت هاله لحنان لقتها نايمه علي نفسها قاعده
هاله / مدام حنان مدام حنان
حنان/ انا اسفه روحت في النوم وانا قاعده خير الدكتور قالكم ايه .
هاله/ والله الدكتور طمنا بس قال لازم تبات لغايت مايطمن عليها بصي يامدام حنان انت لازم تروحي انت اتأخرتي علي بيتك اوي كتر الف خيرك.
حنان / طيب مش محتاجني في حاجه قبل ماامشى وان شاء الله هاجى بكره اطمن عليها
هاله/ الف شكر ليكي هي اميره حطولها مسكن في المحاليل ونامت خلاص...
واحنا معاها ماتقلقيش ..
حنان/ تمام السلام عليكم هاجيلكم بكره اطمن عليها.
هاله/ تمام يا حبيبتي.
الليله دي هاله باتت مع أميره وخالد خد البنات تاليه وريماس وروحوا وريماس روحت مع عمها بالعافيه بعد غلبه جامده .
خالد/يلا ياحلوين هتعشوني ولا هتنيموني جعان .
ريماس وتاليه بصوا لبعض وضحكوا لأنهم مابيعرفوش غير يسلقوا بيض ويحضروا حتت جبنه .
خالد/هاه هتعشوني ولا انام جعان .
ريماس/ عمو انا ممكن اسلق بيض واطلع جبنه من التلاجه وعيش .
تاليه /وانا هقطع طماطم وخيار واعملك شاي بعد الاكل .
خالد/ أمري الي الله أي حاجه بدل ما اموت من الجوع .
ريماس/ لاياعمو بعد الشر عليك انا بخاف من الكلمه دي .
خالد /ياحبيبتى كلنا ضيوف في الدنيا دي بنوصل بعدنا لدارنا الأخيرة اهم حاجه اعملنا الصالحه الي ناخدها معانا .
ريماس/ ماشي ياعمو بس انا مش عاوزه اتحرم من حد تاني .
تاليه /ربنا يخليك لينا يابابا ومانتحرمش منك ياحبيبى و راحت وباست باباها .
خالد / هتكلموا كتير وتضحكوا عليا علشان متعشونيش .
ريماس/ ثوانى والأكل هيبقي جاهز
خالد/ اما نشوف .
واتعشوا مع بعض وخالد قعد يحكلهم على ذكرياته مع بابا ريماس احمد وقعدوا يضحكوا وريماس كانت فرحانه وهي كانت بتسمع حكايات عن باباها وخفت دمه وجدعنته مع اخواته خالد وجمال.
وناموا وصحيوا على صوت خالد وهو بيصحيهم .
خالد هتقوموا ولا هروح المستشفى لوحدي .
ريماس / لاء خلاص صحينا اهو اصلا ماما واحشتنى مووت
خالد /طب يلا قومو علشان انا جعان وعايز افطر وصحى تاليه
تاليه / انا صحيت اهو
خالد/طب يلا قومو
قامو وفطرو كلهم مع بعض وخالد اخدهم وراح المستشفى
فى المستشفى
دخلو الاوضه إلى موجوده فيها أميره وهاله
هاله /اوعو تعملو صوت علشان يعينى معرفتش تنام من كتر التعب خالص
ريماس /ماما واحشتنى اوى واحشنى صوتها وكلامها معايا
هاله /لما تصحى اتكلمي معها براحتك تعالو نقعد فى الاستراحه
خالد /فطرتى
هاله/اه فطرت واميره كمان اكلتها
خالد /هيا بقت احسن
هاله /الحمدلله احسن من امبارح بكتير
تاليه /هيا طنط هتروح معانا انهارده صح
ريماس /يارب تروح معانا بقى
هاله /هنشوف كلام الدكتور ايه
خالد /طب هنزل اجيب قهوه من تحت وطالع هجيبلك معايا يا هاله
هاله /ماشى
هاله /ريماس وتاليه هروح ابص على اميره علشان متصحاش تلاقى نفسها لوحدها
ريماس و تاليه /احنا جاين معاكى
هاله /تعالو
راحو كلهم عند اميره
هاله /انتى صحيتى
اميره بصوت تعبان جدا /اه لسه صاحيه هاله انا عايزه اروح
هاله /نشوف الدكتور الاول وبعدين نقرر
اميره/ماشى
لقو خالد داخل عاليهم
خالد /حمد الله على السلامه يا اميره عامله ايه دلوقت
اميره /الحمد الله احسن بكتير
لقو الدكتور دخل
اميره/دكتور هو انا هروح امتى
الدكتور /انتى زهقتى مننا ولا ايه عموما يستى هكتبلك على خروج
اميره /متشكره ليك جدا يا دكتور
وفعلا الدكتور كتبلها على خروج وهاله ساعدتها فى تجهيز نفسها
هاله /احنا جاهزين اهو يا خالد
خالد /طب يلا بينا
ريماس كانت فرحانه جدا لان مامتها مروحه معها اخيرا .
كلهم ركبو العربيه وروحو
هاله /تعالى اقعدى معانا فوق عندنا علشان متبقيش لوحدك فى البيت وانتى عارفه خالد بيروح الشغل الصبح وبيرجع متاخر نادرا لما بيرجع بدرى ونقعد مع بعض وكده كده البنات بتذاكر مع بعض
اميره /مش هينفع بصى اول ماتصحى تعالى اقعدى معايا تحت وكمان علشان ريماس
هاله /خلاص ماشى
خالد / يلا وصلنا اهو
هاله نزلت من العربيه وراحت تساعد اميره انها تنزل من العربيه لحد ما ركبو الاسانسير وطلعو
هاله فتحت باب الشقه بتاع اميره ودخلتها الأوضه علشان تنام
هاله /يلا يا تاليه علشان نطلع
ريماس /سبيها يا طنط تقعد معايا
هاله /ماشى هسيبها بس تقعدو تذاكرو علشان ترفعو راسنا كده
ريماس وتاليه /حاضر والله هنذاكر
هاله طلعت فوق ودخلت المطبخ تجهز العشا
احمد/حاسس أن فى حاجه غريبه والبيت هادى خالص امال فين ازعاج الهانم قصدى تاليه
هاله /هتقعد مع ريماس تحت انهارده
خالد /ماشى بتعملى ايه
هاله /بعمل شوربه خضار لى اميره وبعملك عشا
خالد /تسلم ايدك
هاله /مفيش اخبار عن الموضوع إلى حاكتلى عنه عليه امبارح
خالد /لاء والله أنا اتلهيت فى اميره بكره إن شاء الله اقعد مع محمود ونظبط كل حاجه وكمان نعمل دراسه الجدوى مع بعض .
هاله /ربنا يوفقك ياحبيبى يا يارب واشوفك مهندس قد الدنيا دى كلها
خالد /زوجتى قره عينى إلى ديما رافعه من معنوياتى
هاله /يلا جهزت العشا اهو يلا علشان تاكل عقبال ما الشوربه تتعمل وهنزلها لى اميره
قعدوا يتعشو مع بعض
هاله لقت الشوربه استوت اخدتها ونزلت عند اميره
هاله خبطت على باب
تاليه /تعالى يا ماما
هاله دخلت لقت اميره نايمه
هاله /اميره يلا اصحى اشربى الشوربه دى ونامى تانى علشان تاخدي ادويتك .
اميره /حاضر تعبتى نفسك ليه
هاله /تعب ايه بس قومى كده علشان تاكلى يلا وحطالك عاليها لمونه ومظبطاكى
اميره /ربنا يخليكى ليا يارب
اميره اكلت وهاله وهيا طالعه دخلت على ريماس وتاليه
هاله /بتعملو ايه يا حلوين
ريماس وتاليه/بنذاكر والله بنعوض اليومين إلى معرفناش نذاكر فيهم
هاله / ماشى ياحبايبى متعملوش دوشه علشان اميره تعبانه
ريماس وهاله / حاضر والله مش هنعمل صوت
هاله طلعت شقتها لقت خالد نايم على الكنبه
هاله / خالد قوم يلا نام على السرير
خالد / نهار ابيض انا ماحستش بنفسى خالص
هاله / طب يلا قوم نام على السرير
وطبعا كلهم نامو من كتر التعب كان يوم طويل.
تانى يوم الصبح
هاله / خالد اصحى يلا علشان الشغل
خالد / الساعه كام
هاله / الساعه ٧
خالد / نهار ابيض المنبه مرنش كده هتاخر
قام لبس فى دقيقتين وهو نازل على السلم قابل تاليه وريماس
خالد / يلا انزلو بسرعه علشان اوصلكم فى طريقى
ريماس / شكرا جدا ليك ياعمو انا مش قادره اتمشى
خالد / طب يلا يا**وله منك ليها
نزلو وخالد وصلهم المدرسة
ريماس وتاليه طلعو الفصل
ليان / لاء مش مصدقه اخيرا جيتو مره بدرى المدرسه ياه دا احنا نحطهالكو فى كتاب التاريخ
تاليه / احنا بس مش بنحب حد يمشى كلمته عالينا ?
ليان / ماشين بمبدء المدرسه هتبدء ٧ ونص احنا نروح المدرسه الساعه ٨
ريماس / الله ينور عاليكى بظبط كده
تاليه / على طول فضحاني كده ماانتى لو بتصحى بدرى كان زمانا محدش كلمنا
ريماس / اسفه بجد والله ?
ليان / انهارده فى تسميع حفظين
ريماس / اه متقلقيش
ليان /دايما رافعين راسي كده
تاليه / يارب ديما يلا الطبور طلع
عند خالد فى الشركه
خالد راح مكتب محمود صاحبه
خالد / محمود
محمود / افندم
خالد / فى موضوع مهم عايز اكلمك فيه
محمود / خير فى حاجه تعالى نقعد فى الكافيه تحت انا خلصت إلى ورايا اهو ..........بااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الثالث وشكرا لكل واحد شجعنى دومتم سالمين .??
يتبع بقلم #ملك_فريد
- Writer
