"البارت الاول "
1628 Words
اتمنى البارت يعجبكم
(حب ابدى )البارت الاول
بقلم ✍️ملك فريد .
..............................................
هاله / انتى يالى اسمك تاليه قومى يلا مش وراكى مدرسه المنبه عمال يرن قومى بقى
تاليه / حاضر هقوم اهو
هاله / طب يلا قومى انا جهزت الفطار يلا
تاليه قامت لبست وجهزت نفسها
هاله / اتصلتى بى ريماس
تاليه / اتصلت بيها كتير مش بترد
هاله / طب افطرى وعدى عاليها
تاليه /حاضر يا من عيونى
راحت تاليه فطرت وجهزت شنطتها وأدواتها المدرسيه .
تاليه / ماما انا راحه المدرسه سلام
هاله/ هتعدى على ريماس انهارده
تاليه / هو انا اقدر معديش عاليها
هاله / طيب خلى بالك من نفسك انتى وهيا
تاليه / حاضر يا ماما
وطبعا زى ما اتعودت كل يوم انزل اخبط عاليها وفضلت اخبط كا العاده على الست هانم ريماس وفى الاخر القيها لسه ملبستش انا اصلا مبقتش بتصدم ده العادى لازم يفوتنا اول حصه وطبور المدرسه إلى بحبه .
ريماس/ ايه فى ايه بترزعى على الباب كده ليه انا عمرى ماشوفت حد بيعمل زيك كده علي الصبح.
تاليه / اهدئى ايتها الروح المتعصبه انا ارزع براحتى اذا كان عجبك
ريماس / تعالى خوشى عقبال ملبس بسرعه
تاليه / يابنتى حرام عاليكى بقا نفسى فى مره تصحى بدرى ليه تعملى كده فى نفسك وتقعدى تلفى حولين نفسك
ريماس/ منا لو عندى اخت عدله كانت جت صحتنى من بدرى
تاليه /هانى موبايلك هاتيه اوريكى فى كام رنه .
ريماس / ياسلام ورينى كده
فتحت تاليه الموبيل ايه ده انا اتصلت يجى ١٠ مرات وانتى بتقولى انى مصحتكيش ?
ريماس/ دول بس المفروض ترنى لحد١٧ رنه
تاليه / انتى لو جبل وقع فوقيكى مش هتصحى
ريماس/ متشكرين على ثقه الغاليه فيا يلا انا خلصت
تاليه /يلا قبل مايجيلى جلته منك
ريماس /جبتى اكل ولا هنجيب
تاليه /جبت طبعا اعملى حسابك احنا هنذاكر مع بعض انهارده
ريماس /ماشى خاليكى حاطه هدفك إن شاء الله ندخل كليه تربيه رياضيه عايزين نذاكر جامد بقا
تاليه / بلى انتى بتعمليه ده مش هنفلح
ريماس / إن شاء نفلح لا تقلقى مفيش اى اخبار عن معاذ من ساعات مسافر مكلمكوش خالص
تاليه / انا زعلانه اووى مش عارفه عنه حاجه.
وراحوا المدرسه وهما فى ال break
تاليه /فاكره يا ريماس لما كنا بنلعب مع بعض وكان بيلعب معانا معاذ.
ريماس /ياه كانت ايام حلوه فاكره لما كنا بنلعب سكه حديد ولا خلاويص
تاليه /فكرك هيكون فاكر الايام ديه زينا
ريماس /فاكره لما قالك انو بيحبك ولما يكبر هيتجوزك?
تاليه/ اه فاكره
ريماس /ياه كانت ايام طفوله جميله جدا
تاليه /بس انا فعلا بحبه ومانستش اي حاجه من الايام دي .
ريماس /بس هو سافر بره ويمكن ميجيش تانى .
تاليه ?/عارفه بس عندى امل ان عمو جمال يجى يقعد هنا تانى بس احنا اتفقنا انا ادخل تربيه رياضيه وهو يدخل هندسه وقالى أن لما يكون عندو شركه كبيره هيجى يتقدملى
ريماس/بس انتو كنتو اطفال صغيرين اكيد مش هيكون فاكر
تاليه / أن شاء الله هيكون فاكر انا متاكده .
جرز المدرسه ض*ب وطلعوا فصولهم .
تاليه / تعالى بقا نركز ونبطل كلام علشان نحقق حلمنا
بعد ساعتين من الحصص جزر المرواح ض*ب
تاليه / هنقعد عندك زى ما اتفقنا
ريماس / اه هنقعد عندى بس هروح انام واتغدا وهنادى عاليكى .
تاليه / ايوه وانا كمان هنام .
علشان افوق معاكي واصحصحلك ماانمش منك زي كل مره ههههههه يلا سلام.
ريماس /سلام.
تاليه /ماما هاله ازيك ياحبيبتى وباست مامتها وقالتلها انا ميته من الجوع عامللنا ايه علي الغدا .
هاله /حبيبتي حمدالله علي السلامه ياروحى يومك كان عامل ايه انهارده .
مش هتستني بابا ولا أيه انت كل يوم تقعدي تزني وتعمليلنا دوشه اصبري بابا خلاص علي وصول علي ماتاخدي شاور وتغيري بابا هيكون وصل والأكل كمان هيكون جهز أن الله مع الصابرين
تاليه /بعصبيه حاضر ياماما ثواني هكون خدت شاور وغيرت .
جرز الباب بيرن ....
تاليه/ ده اكيد بابا خالد جه الحمد لله فتحت الباب ايه ده يا ساتر يارب ايه يابنتي الي جابك ورايا ...
هاله/ مين ياتاليه علي الباب.
تاليه / دي ريماس.
هاله / وبتقولى ياساتر يارب اتفضلى ياحبيبتى ادخلي
هاله لتاليه/ حد يقول لأخته كده يابلوه .
تاليه/ طلعتي ليه .
ريماس /نسيت المفتاح كالعاده وانتى عارفه أن ماما في الشغل هقعد علي السلم يعني .
تاليه/ لاء ازاي تعالي في حضني وننام بعد الغدا وبعد كده نقوم نذاكر مع بعض.
وهما بيتكلموا الجرز رن اكيد بابا المره دي .
فتحت البابا .
تاليه/ بابا حبيبي اخيرا رجعت يلا بقى علشان انا جعانه
خالد / انتى علي طول فضحانا كده فيها ايه تكوني هاديه كده زي ريماس بنت عمك .
ريماس / حبيبي ياعمو .
خالد /اهلا يا ريماس انتى هنا ايه المفاجأة الحلوه دي .
هاله/ اهلا ياحبيبي حمد الله علي السلامه .
تاليه /يلا يا ماما بسرعه حطي الاكل .
هاله/ يابنتي ارحميني تعالوا يلا نجهز الاكل مع بعض .
فضلو يجهزو الغدا مع بعض وقعدوا اتغدوا وبعدين تاليه وريماس دخلوا ناموا والبيت بقي هادي .
هاله وخالد قعدوا في البلكونه يشربوا القهوه وبيتكلموا في الوقت ده يعرفوا ايه الي حصل مع كل واحد منهم طول اليوم .
خالد /كنت عاوز اكلمك في موضوع والجو هادي كده
هاله /خير يا حبيبي قول في حاجه في الشغل.
خالد / بصراحه هي خطوه بس عاوزك تشجعيني علشان انا قلقان وخايف.
هاله/ في ايه قلقتني .
خالد/ انت قلوقه كده ليه اكيد خير طبعا بس انا عاوز تشجعيني واخد رأيك.
هاله/ قول بقي في ايه .
خالد/ بصي ياستي انا اولا بفكر افتح شركه لحسابي انا دلوقتي عندي خبره كبيره في مجال الد*كورات والتشطيبات ومعايا مبلغ محترم اقدر ابتدي بيه الشركه صغيره علي ادي .
هاله/ بجد ياحبيبي ياريت والله دي مفاجئه جميله .
بس انت هتقدر علي فتح الشركه ولوحدك .
خالد /انا زميلي في الشركه انتى عارفه محمود حابب الموضوع اوي وعاوز يشاركني وأظن اني انا وهو عندنا خبره كافيه أننا ندير الشركه واكيد هنعمل دراسه جدوي للشركه .
هاله/ والله محمود محترم اوي وانسان خلوق اوي .
وربنا معاكم أن شاء الله
خالد /انتى عارفه اني انا في رقبتي ريماس ومامتها وانا لازم احاول اشتغل علشان ماقصرش معاهم كفايه أن اميره مبهدله نفسها في الشغل وانا مش راضي عن ده
هاله/ انت عارف ان أميره نفسها عزيزه وبتقبل الشهريه منك ومن اخوك جمال بالعافيه الله يكون في عونها اترملت في عز شبابها الله يرحمك يا أحمد .
طبعا الوقت مر وهما بيتكلموا .
خالد/ انت نسيتي تصحي البنات .
هاله/ ينهار ابيض دول وراهم مزاكره كتير دول قايللني اصحيهم انا هروح اصحيهم .
هاله/ دخلت تصحي البنات يلا يا **لانين ده كله نوم ريماس ايه ده هو الساعه كام.
هاله/ الساعه ٦ يلا ياتاليه يامغلباني .
ريماس/ ايه ده هي ماما لسه مجتش ومسكت تليفونها ولا رنت
عليه حتي .
تاليه قامت علي خضت ريماس
تاليه / ايه يا بنتي انت اوفر كده ليه يمكن عندها مشوار تعالي نكلمها .
هاله/ يابنتى اصبري أن شاء الله خير انت مالك اتخضتي كده ليه تعالي نكلمها من موبايل عمك خالد بره
تاليه / تعالي ياريماس ماتقلقيش انت عارفه طنط بتعمل مشوارها بعد ماتخلص شغل
ريماس/ بدأت تتوتر وتعيط لا انت عارفه أن ماما بتكلمني تطمن عليا بعد مااخرج من المدرسه أنهارده ماكلمتنيش .
طالعوا لخالد اول ماشفهم مالكم في ايه وشكم متغير كده ليه
هاله هات موبايلك نرن على اميره لحسن اتأخرت في الشغل ريماس قلقانه عليها .
خالد/ ماتقلقيش يا حبيبتى هرن عليها اهو
خالد رن على أميره التليفون مغلق اوغير متاح .
خالد رن تاني برده التليفون مغلق
خالد/ اصبروا بس يمكن الشبكه المحمول مشغوله.
ريماس /بعياط عمو انا مش مطمنه انا خايفه لماما يحصلها زي بابا واتحرم منها هي كمان.
هاله /ايه يابنتي ده أنت هتفولي عليها بعد الشر عليها طيب ماتعرفييش تليفون حد من صحابها في الشغل .
ريماس/ مش عارفه هدور في التليفون لأن ارقام أصحابها كلها عندي بس مش عارفه مين الي معاها في الشغل انهارده .
خالد/ طيب دوري بالراحه .
وهما بيدورو على رقم صحاب اميره رن رقم غريب مش عارف ليه هو خاف يرد قدامهم دخل البلكونه تاني .
الو /.......
خالد/ ايوه مين حضرتك.
احنا مستشفى الامل ومدام أميره موجوده عندنا .
خالد اميره مالها .
المستشفي هي بخير وفايقه بس مدام أميره جالها مغص في الشغل شديد وزميلها نقلوها للمستشفى وطالع عندها الزيده ودخلت العمليات فاجئه وهي لسه فايقه من البنج وعاوزه تشوفكم.
خالد /احنا جايين حالا .
هاله دخلت البلكونه خير ياحبيبي في ايه وشك متغير كده ليه .
خالد /أميره عملت عمليه الزايده ولسه طالعه من العمليات
هاله/ ايه ينهار ابيض انا هقول لريماس الخبر ده ازاي دي منهاره جوه من ماقبل ماتعرف حاجه دي امها روحها وعقلها .
خالد/ لازم تعرف ويلا البسي علشان نروح لها.
هاله /طيب قولها انت انا مش هقدر اعرفها الخبر ده.
خالد /طيب البسي بسرعه .
هيدخل خالد وريماس بتحاول تدور علي رقم حد من زمايل مامتها في الشغل .
خالد/ خلاص ياريماس ماما كلمتني والبسي علشان نروح لها .
ريماس /بعياط هستيري ماما فين يا عمو هي جرالها زي بابا انت خسرت ماما هي كمان.
خالد خدها في حضنه يابنتي ارحميني امك جالها تعب في الشغل وزميلها نقلوها المستشفى وعملت الزايده هتلبسي ولا اروح لها انا وهاله .
ريماس/ خلاص ياعمو هبطل عياط.
خالد/ ايوه بطلي عياط علشان اخدك معايا وبعدين مش بحب اشوفك بتعيطى يلا بقى
تاليه/ وانا يابابا عاوزه اجي معاك اطمن علي طنط .
خالد/ طبعا البسي لازم تبقي مع ريماس البسوا بسرعه انا هنزل اجهز العربيه لغايت ماتنزلوا .
انا جهزت وجبت غيار لاميره علشان اغير لها .
البنات احنا جهزنا خلاص .
خالد يلا بينا ..... بااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الثانى وشكرا لكل واحد شجعنى دومتم سالمين .??
يتبع بقلم #ملك_فريد
- Writer
