Chapter Sixteen
Nawalan ako ng malay kanina. Nagising na lang ako na nasa sasakyan na. Nakabalot ng blanket at mag-isa.
Agad akong napabalikwas. Iba na ang suot kong damit. Pati na ang pang-ibaba ay iba na rin. Binalot kong muli ang blanket sa katawan ko, binuksan ko na ang bintana at sumilip ako. Parang abalang-abala ang lahat. Sinubukan kong suyukin ang paligid para hanapin sina Knoxx. Nakita ko naman ito. Kausap ang kapatid niyang kamukha rin niya.
Masinsinan na nag-uusap ang dalawa. Hindi ko marinig dahil sa distansya at wala rin naman akong planong pakinggan sila.
Nang lumingon si Knoxx sa pwesto ko ay saglit lang akong tinignan ng lalaki bago niya tinapik ang kapatid niya at lumakad na.
Paglapit nito sa sasakyan ay lumulan na ito. Pati ang driver ay gano'n din. Saka umusad iyon.
