Naging mabilis ang paglalakad niya para iwasan si Renzy. Muntik pa nga siyang matilapid sa nakaharang na kahoy sa tabi ng kalsada dahil sa pagmamadali. Napapikit na lang siya at muling nagmulat ng mga mata noong narinig niya ang yapak nito. Sumunod pa rin ito sa kaniya. Tinawag siya nito pero hindi siya tumigil sa paglalakad.
Sa gilid ng kaniyang tingin, napansin niyang sumabay ito sa paglalakad niya. Hindi niya na lang nilingon ang lalaki. Hindi niya na lang ito kinausap.
Hindi niya alam kung bakit nakaramdam na naman siya ng awkwardness sa lalaki. Simula kahapon ay iniiwasan na naman niya si Renzy.
Naging ayos na sila ngunit bakit ba naman kasi ito nagsabi ng makahulugang salita para sa kaniya.
Hindi kasi maalis sa isip niya ang sinabi nito, pati na rin ang ngiti nito ay hindi maalis
