“Sumusobra ka ng babae ka! Noon ay pinalampas kita pero ngayon ay hindi na!”
Sabay malakas na sampal ni Santi sa akin.
Muntik na naman akong mabuwal sa pagsampal niya pero matatag pa rin akong nakatayo at paglingon kong muli sa kanya ay idinura ko sa mukha niyang nakakairita ang dugo sa bibig ko gawa ng pagsampal niya.
Itinaas niyang muli ang kamay niya para sampalin akong muli pero-
“Subukan mong ulitin at ngayon din ay patatalsikin kita sa pwesto mong hayop ka.” Banta ko sa kanya kaya naiwan sa ere ang kamay niya na ikinangisi ko.
“Takot ka, ano?” sabay tawa ko ng malakas.
Tawa ako ng tawa habang si Santi ay nagpipigil ng galit.
Ang bilis niyang makauwi saan man siyang lupalop naroon ng mapanood ang video ng kabit niyang kinaladkad ko ay kinalbo ko pa.
Pero kahit mabilis pa siyan
