Chapter 16.2
Alam kong sa sitwasyong ‘to, si Dan ang pinakamaaasahan ko. Magaling siyang magtago ng mga sikreto ng bawat isa. Kahit palagi siyang i-bully ng iba ay siya naman ang laging tinatakbuhan sa tuwing may problema.
“Balak kunin ni Shia ang benta ng karinderya. Narinig ko kanina na may kausap siya sa phone niya at gumawa siya ng plano. Alam kong isasakto niya ‘yon na walang tao sa kahera pati na rin sa pwesto mo para walang ibang makakakita sa kanya. Ang posibleng oras na ‘yon ay—“
“Gabi. Sa gabi niya gagawin ‘yon, kung kailan may benta na at wala ng tao sa kahera,” singit ni Gelo na seryoso na ring nakikinig sa ‘min.
“Seryoso ka? Talagang kaya niya ‘yong gawin?” hindi mapaniwala na tanong ni Dan.
Hindi ko alam kung seryoso na ba siya o ano, pero isa lang ang nasa isip ko, hind
