Chapter 5
Nagising ako sa ingay ng paligid mula sa sigawan ng mga tao at busina ng sasakyan. Nilibot ko ang mata ko sa buong paligid. Malinis ang kwarto kung nasaan ako. Kulay pink at maayos na maayos ang pagkakalagay ng mga gamit.
Bumangon ako sa pagkakahiga ko at napahawak sa tyan ko.
“Nasaan ako?” bulong ko nang isang matanda ang pumasok sa kwarto kung nasaan ako. Teka. Siya ‘yong matanda kagabi!
“Gising ka na pala, hija,” nakangiti n’yang sabi.
“Ano pong nangyari?”
Ang natatandaan ko lang ay biglang dumilim ang paligid ko sa sobrang pagod at init na sinabayan pa ng pagpapabasa ko sa ulan.
“Nawalan ka ng malay. Huwag mo na ulit-uulitin ‘yon at baka kung anong mangyari sa anak mo.”
Doon ko lang napansin ang hawak n’ya. Ang mga damit ko. Bakit hawak n’ya ang mga ‘yon?
“Nabasa ‘
