Chapter 14.1
Pagod na ang lahat sa buong maghapon. Masyadong dagsa ang mga estudyanteng kumakain. Siguro ay dahil na rin sa exam na ng mga estudyante ngayon sa mga school.
Patapos na rin ang klase. Hindi ko alam kung mag-e-enroll na ba ako o hahayaan ko na lang muna ang sarili ko sa pagbubuntis ko. Medyo halata na rin kasi ang tyan ko kumpara dati. Sigurado naman na magiging tampulan lang ako ng bully.
Isa pa, ang sagwang magsuot ng uniform kapag malaki ang tyan.
“Norie, naayos mo na ba ang benta?” tanong ni Nanay na kabababa pa lang mula sa second floor. Inaalalayan siya ni Mark na nakatingin din sa ‘kin.
Ngumiti ako bago tumango. “Opo, ‘Nay. Nilagyan ko na rin po ng presyo. Hiniwalay ko po ang benta sa umaga, tanghali, at ngayong gabi para ma-tally po.” Inabot ko naman ang tatlon
